
Şewata ku 11 roj in li Dêrsîmê didome nayê vemirandin 

2021-08-27 16:55:29


	&nbsp;

	&nbsp;

	DÊRSÎM - Şewata daristanê ku li navçeya Xozatê 11 roj in didome, belavî jîngehên nû bû û nayê vemirandin.&nbsp;

	&nbsp;

	Şewata daristanê ya di 17’ê tebaxê de, di encama operasyona eskerî de li gundikê Koçerî, gundên Kûrûkaymak û Danzî yên girêdayî navçeya Xozat a Dêrsimê dest pê kir, 11 rojin didome. Şewata ku duh heta gundê Ûzûnçeşme belav bû, îro jî belavî gundê Karper ê navçeya Pulurê bû.&nbsp;

	&nbsp;&nbsp;

	Hat diyarkirin ku Qereqola Cendermeyan a Bîlgîç duh welatiyên ku xwestin biçin cihê herêma şewatê astengkirin û Qeymeqamê Pûlûrê jî bi gotina “paş ve vegerin ji bo we baş çênabe” gef li welatiyan xwariye.&nbsp;

	&nbsp;

	Şaredarê Dêrsimê Fatîh Mehmet Maçoglû û komeke rojnamevanên çûn gundê Karper ê şewat lê belav bûye. Li herêmê tê xuyakirin ku dû bilind dibe. Fatîh jî, diyar kir ku mudaxaleyî şewatê nayê kirin.&nbsp;