
'Li dijî talankirina xwezayê têkoşîna bi hev re hewceye'  

2020-06-05 17:24:34


	&nbsp;

	NAVENDA NÛÇEYAN - Bi minasebeta 5'ê Hezîranê Roja Derdorê ya Cîhanê li gelek bajaran rêxistin û komeleyên derdor û ekolojiyê daxuyanî dan û gotin: "Divê hemû hez bi hev re parastina ekolojiyê bikin û bi hev re têbikoşin."&nbsp;

	&nbsp;

	Rêxistin, komele û meclîsên ekolojî û derdorê, bi minasebeta 5'ê Hezîranê Roja Derdorê li Edene, Mêrdîn, Wan, Stenbol û gelek cihên din daxuyanî dan.&nbsp;

	&nbsp;

	Hêzên Ked û Demokrasiyê yên Edeneyê, li Parka Abidin Dino ya Edeneyê daxuyanî dan û xwestin dawî li talankirin û wêrankirina xwezayê bînin. Di çalakiyê de pankarta "5'ê Hezîranê roja têkoşinêya ji bo derdor, ekolojî û jiyanê ye" vekir. Di daxuyaniyê de daxwaza parastina xwezayê hat kirin.&nbsp;

	&nbsp;

	Li Mêrdînê jî hêzên ked û demokrasiyê bi heman armancê li avahiya KESK'ê ya Mêrdînê daxuyanî dan û diyar kir ku sedema vîrûsa Covid-19'ê talankirin û wêrankirina xwezayê ye.&nbsp;

	&nbsp;

	Komeleya ÇEV-DER'ê ya Wanê jî bi heman armancê daxuyanî da û bal kişand ser talankirina xwezayê.&nbsp;

	&nbsp;&nbsp;

	Hevparên Yekîtiya Ekolojiyê yên Stenbolê jî bi heman armancê daxuyanî dan. Nûner û parazvanên ekolojiyê li pêş Operaya Sureyya &nbsp;ya Kadikoyê daxuyanî dan. Li vir pankarta “Li dijî talankirina ekolojiyê em jiyanê biparêzin" vekirin. Li ser navê ekolojîstan Tugçe Ozçelik daxuyanî xwend û xwest hemû hêz bi hev re ji bo parastina ekolojiyê têbikoşin."&nbsp;

	&nbsp;