
Sedema şewata 45 donim eraziyê nayê zanîn  

2019-07-07 16:09:12


	&nbsp;

	NAVENDA NÛÇEYAN - Di nava dû rojan de li herêmên Qeredax û Baziyan ên Silêmaniyê 45 donim poş û pawan şewitî û sedemê şewatê jî hîn nayê zanin.

	&nbsp;

	Rêveberiya Polîsên Daristan û Jîngehê yê &nbsp;bajarê Silêmaniyê îro bi daxuyaniyekî eşkere kir ku di nava 2 rojan de 45 donim poş û pawan şewitiye.

	&nbsp;

	Li gorî agahiya berdevkê Ragihandin Rêveberiya Polîsên Daristan û Jîngehê yê Silêmaniyeyê Hêmin Kemerxanê agir herî zêde li gundê Caferan û çiyayê Sole yê herêma Qeredaxê ketiye û wiha got: "Hêzên polîsên darisan û jingehê demildest çûne cihê bûyerê û bi alikariya welatiyan agirê li navçeya Qeredaxê &nbsp;kontrol kirin. Her wiha 35 donim poş û pawan, 10 darê xwezayî û baxê welatiya şewitiye. Heya niha jî lêkolîn li ser sedemê agir tê kirin. Her wiha li deverên Teslûce, Elayî û Teynal ên Bazyan şewatek mezin derket. Di encama van şewatan de 10 donim poş û pawanê şewitî. Heta niha sedema van şewatan nayê zanin."

	&nbsp;