
Bi dehan donum zevî ji şewatê bi bandor bûn 

2019-06-17 12:24:32


	&nbsp;

	MÊRDÎN - Duh li Geliyê Cehennemê pevçûn derket û piştî pevçûnê şewatê rû da bû. Gundiyan ligel hemû astengiyan jî bi hewldanên xwe şewat vemirandin.&nbsp;

	&nbsp;

	Li Çiyayê Gabar ê ku dikeve navbera navçeya Kerboran a Mêrdîn û navçeya Hezex a Şirnexê, duh şer û pevçûn derket û serpelekî jiyana xwe ji dest da. Pevçûna duh rû da li Geliyê Cehennemê zêdetir bû. &nbsp;

	&nbsp;

	Piştî pevçûnê, li daristanên derdora gundên Gizrî û Xenduk şewatê rû da. Rayedarên leşkerî bi hinceta “Ewlekariyê” mudaxileya şewatê asteng kirin. Li ser balavbûna şewatê, welatiyên gundên derdorê li hev kom bûn û ji bo vemirandina şewatê ketin rê û gehiştin gundê Xenduk. Welatiyan ligel astengiyên leşkeran jî, bi derfetên xwe mudaxileyî şewatê kirin.&nbsp;

	&nbsp;

	Di encama hewldana zêde ya gundiyan de, şewat hat vemirandin. Li aliyê din, nêzî 60 donim erd ji ber şewatê zirar dît. &nbsp;