
Ji ber HES'ê ku hatine çêkirin çemê Kurayê zuha dibe

2019-03-02 09:05:36


	&nbsp;

	Zeynep Durgut

	&nbsp;

	ERDEXAN &nbsp;-Li Erdexanê HES’ên ku tên çêkirin zirarê didin xwezaya bajêr. Bendavên ku li navçeya Posof, Xanek û Çildarê hatine çêkirin bûne sedema zuhabûna çemê Kurayê.&nbsp;

	&nbsp;

	Li Tirkiyeyê heta niha bi hezaran bendav û santralên hidroelektrikê hatine çêkirin. Li gel &nbsp;çêkirina bendav û santralên hîdroelektirîkê xweza di talûkeyê de ye û ber bi mirinê ve diçe. &nbsp;Li Erdexanê bendav û HES’ên ku li navçeyên Posof,Xanek û Çildarê hatine çêkirin bûne sedema zûhabûna çemê Kurayê. Ava çem her roj kêm dibe. Çemê ku bi salan bû gur diherikî niha zuha bûye û ava wî gelek kêm diherike. &nbsp;Li gel çêkirina bendavan ji hêla Çoruhê ve çem hate zivirandin. zivirandina rêya avê ya çem dibe sedema nîqaş û bertekan. Çemê Kuhra ji çiyayên Allahûekber û Yanlizçam de diherike Erdexanê. Li gel çêkirina bendavan bajar bê av dimîne.&nbsp;

	&nbsp;

	Doza ku hat vekirin bê encam ma

	&nbsp;

	Di salên berê de bendavên ku li navçeya Xanekê gundê Çatê hatine çêkirin bûne sedema bertekan û ji ber çêkirina bendavan li gund gelek welatî koçber bûn û nêçar man. Gundiyan têkîldarî çêkirina HES’an de der barê fîrmaya li Stenbolê doz vekirin. Doza ku 1'ê &nbsp;Adarê &nbsp;sala 2018’an hatibû dîtin taloqî 3'yê Tirmehê hatibû kirin û doz bê encam ma. &nbsp;Gundiyên ku bêmal û war man di bin şert û mercên herî zehmet de jiyana xwe domandin.&nbsp;

	&nbsp;

	'Li Tirkiyeyê çemên ku biherikin dê nemînin'

	&nbsp;

	Li Tirkiyeyê heta niha Hezar û 527 projeyên HES'an hatine çêkirin û heta nihya ji van 477'ên wan yan hatine qedandin û yan jî li ber qedandinê ne. Hêza van santralên 23 hezar û 660 e. Li gorî vê hejmarê li Tirkiyeyê çemên ku biherikin dê nemînin.&nbsp;

	&nbsp;