
Malbatên windayan vê hefteyê jî aqûbeta wîndayên xwe pirsîn 

2024-07-27 13:17:21


	&nbsp;

	
		&nbsp;
	
		NAVENDA NÛÇEYAN - Di çalakiyên ÎHD’ê û malbatên windakiriyan de ku li gelek cihan hatin lidarxisitn peyam hate dayîn ku heta faîlên kesên di salên 1990’î de hatine windakirin û qetilkirin bên darizandin dê têkoşîn bidome.&nbsp;
	
		&nbsp;
	
		Komeleya Mafên Mirovan (ÎHD) û malbatên windakiriyan careke din bi daxwaza “Bila windakirî bên dîtin faîl bên darizandin” li gelek navendan &nbsp;hatin ba hev. Şaxa ÎHD’a Amedê û malbatên windakiriyan di hefteya 807’emîn a çalakiyên xwe de li ber Bîrdariya Mafên Mirovan a li Parka Koşûyolûyê hatin bahev. Di daxuyaniyê de wêneyên windakiriyan hatin hilgirtin. Di çalakiya vê hefteyê de çîroka Mesût Dundar ê di tîrmeha 1992’yan de li navçeya Cizîr a Şirnexê hate windakirin hate vegotin.&nbsp;
	
		&nbsp;
	
		Yek ji rêveberên Şaxa ÎHD’a Amedê Yakûp Guven, bertek nîşanî binçavkirina ciwanên govendê digerînin da. Yakup, destnîşan kir ku dirûşma ku ciwanên li Mêrsînê hatin binçavkirin berzkiriye ne sûc e û wiha got: “Em bêhiqûqiyê qebûl nakin.”
	
		&nbsp;
	
		Pişt re endama Komîsyona Windayan a ÎHD’ê Berfîn Elçî, çîroka Mesut Dundar xwend. Dû re daxuyanî bi çalakiya rûniştinê bi dawî bû.&nbsp;
	
		&nbsp;
	
		Êlih
	
		&nbsp;
	
		Li Êlihê jî ÎHD’ê û malbatên windakiriyan di hefteya 643’emîn a çalakiyên xwe de li ber Bîrdariya Mafên Mirovan a li Cadeya Gulistanê hatin bahev. Di çalakiya ku pankarta “Bila windakirî bên dîtin, faîl bên darizandin” de ji bilî parazvanên mafên mirovan, rêveberên OHD’ê û MEBYA-DER’ê jî beşdar bûn.&nbsp;
	
		&nbsp;
	
		Rêveberê Şaxa ÎHD’a Êlihê Erkan Kolkaldiran ê di çalakiyê de axivî, anî ziman ku heta aqubeta windakiriyan were aşkerekirin û faîl bên darizandin dê têkoşîna wan bidome. &nbsp;
	
		&nbsp;
	
		Piştre çîroka Nûnerê Kovara Ozgur Halkê yê Êlihê Çetîn Abayay ê di 29’ê tîrmeha 1992’yan de di êrişa çekdarî ya 3 kesan de li Êlihê birîndar bû û di 30’ê tîrmehê de jiyana xwe ji dest da hate xwendin.&nbsp;
	
		&nbsp;
	
		Daxuyanî piştî çalakiya rûniştinê bi dawî bû.&nbsp;
	
		&nbsp;
	
		&nbsp;
	
		
		Colemêrg
	
		&nbsp;
	
		Şaxa ÎHD’a Colemêrgê û malbatên windakiriyan di hefteya 133’emîn a çalakiya xwe de li Kolana Hunerê ya li navçeya Geverê hatin bahev. Di çalakiya vê hefteyê de çîroka Nacî Şengul, Salîh Şengul, Hayrettîn Ozturk û 11 gundiyên piştî li mezraya Bêgalte yê girêdayî gundê Bêsosin ê navçeya Şemzînan a Colemêrgê di 24’ê tîrmeha 1994’an de hatibûn binçavkirin, hatibûn qetilkirin hate xwendin.&nbsp;
	
		&nbsp;
	
		Hevseroka Şaxa ÎHD’a Colemêrgê Sîbel Çapraz got ku “133 hefte ne ji Colemêrgê ji bêcezahiştina sûcê windakirina di bin çavan de re îtîraz dikin.” Sîbel a destnîşan kir ku divê polîtîkayên necezakirinê bên bidawîkirin, çîroka Nacî Şengul, Salîh Şengul, Hayrettîn Ozturk û 11 gundiyên hatine qetilkirin xwend.&nbsp;
	
		&nbsp;
	
		Sîbelê &nbsp;da zanîn ku 30 sal in ji bo gundiyên hatine qetilkirin li edaletê digerin, bang li rayedaran kir ku aqûbeta Nacî Şengul, Salîh Şengul, Hayrettîn Ozturk û gundiyên din bê aşkerekirin û xwest berpirsyar bên darizandin.”
	
		&nbsp;
	
		Daxuyanî bi çalakiya rûniştinê bi dawî bû. &nbsp;
	
		&nbsp;
	
		&nbsp;
	
		
		Dêrsim
	
		&nbsp;
	
		Şaxa ÎHD'ê ya Dêrsimê jî li Kolana Hunerê daxuyanî da û xwest "Winda bên dîtin û kiryar bên darizandin." Daxuyaniya ku cara 1009'an hat lidarxistin, Parlamentera Dêrsimê Ayten Kordu, siyasetmedar Sabahat Tuncel, nûnerên partiyên siyasî û rêxistinên sivîl û gelek kes teli bûn. Di çalakiyê de çîroka Ayten Ozturk a ku di 27'ê Tîrmeha 1992'an de bi wesayiteke ji aliyê walîtiyê ve 4 kes tê de bûn hat revandin û piştî 13 rojan li Xarpêtê &nbsp;di erdekî vala de hatibû definkirin hat vegotin.&nbsp;
	
		&nbsp;
	
		Di daxuyaniyê de ewil bavê Ayten, Hîdir Ozturk axivî û diyar kir ku JÎTEM a keça wî qetil kir, nehate darizandin û ji roja qetlîamê heta niha rastî bêhiqûqiyê hatine. Hîdir bang li dewletê kir û xwest kiryar bên eşkerekirin û fermandariya cendirme û qeymeqamê demê bên darizandin. Hıdır, ê ji bo keça xwe bi kurdî lorand daxwaza maf, hiqûq û edaletê kir.
	
		&nbsp;
	
		'Divê erkên xwe bi cih bînin'
	
		&nbsp;
	
		Piştre jî Hevserokê Şaxa ÎHD'ê yê Dêrsimê Gurbuz Solmaz çîroka Ayten Ozturk parve kir, piştî xwendina çîroka windakirina Ayten Ozturk, diyar kir ku kuştina Ayten bi îşkenceyê û windakirina cenazeyê wê li dijî hiqûqa navneteweyî ye û ji ber vê yekê divê nekeve demboriyê.
	
		&nbsp;
	
		&nbsp;
	
		
	&nbsp;