
Meşvanan ber bi Edeneyê ve bi rê ketin  

2024-07-01 13:05:51


	&nbsp;

	ENQERE - Kesên ku di “Meşa Rêzgirtina li Vînê” ku DEM Partiyê daye destpêkirin de cih girtin, ji Enqereyê ber bi Edeneyê ve bi rê ketin.&nbsp;

	&nbsp;

	“Meşa Rêzgirtina li Vînê” ku Partiya Wekhevî û Demokrasiyê ya Gelan (DEM Partî) li dijî tayînkirina qeyûman a li Şaredariya Colemêrgê ji Stenbol û Îzmîrê da destpêkirin duh gihiştibû Enqereyê. Meşvan îro ber bi Edeneyê ve bi rê ketin.&nbsp;

	&nbsp;

	Parlamenterê Îdirê yê DEM Partiyê Yilmaz Hûn, destnîşan kir ku dê vîna gel biparêzin û wiha got: “Weke ku hûn dizanin ipotek danîn ser vîna gel.” Hûn, destnîşan kir ku desteserkirina vînê îro bûye “qeyûm” û wiha domand: “Em ê bi gelê kurd û dostên xwe re li dijî vê desteserkirina vînê heta dawiyê li ber xwe bidin.”

	&nbsp;

	Piştî axaftinê meşvan bi rê ketin.&nbsp;

	&nbsp;

	&nbsp;

	

	&nbsp;