
'Heta qeyûm biçe dê têkoşîna me bidome' 

2024-06-25 09:02:42


	&nbsp;

	&nbsp;

	Oznûr Deger

	&nbsp;

	MÊRDÎN - Çalakvanên ku li Şaredariya Bajarê Mezin a Mêrdînê û yên navçeyên wê di nobedê de ne gotin, "Em dest ji doza xwe bernadin. Hata ku qeyûm biçe dê têkoşîna me bidome."&nbsp;

	&nbsp;

	Bertekên li dijî Tayînkirina qeyûm a li Şaredariya Colemêrgê ya Partiya Demokratîk a Gelan (DEM Partî) &nbsp;ku hevşaredarên wê ji peywirê hatin girtin û li hevşaredar Mehmet Sidik Akiş 19 sal û 6 meh ceza hat birîn û hat girtin dewam dikein. Piştî vê DEM Partiyê di 4'ê Hezîranê de biryara çalakiya nobedê da û li hemû şaredariyên xwe sat di navbera 17.00 û 00.00'an de nobeda li dijî qeyûm hat destpêkirin. &nbsp;Di nobeda ku gelek kes tevli bûn û dewam dike, zîhniyeta qeyûm tê şermezarkirin.&nbsp;

	&nbsp;

	Çalakiyên nobetê yên li Şaredariya Bajarê Mezin a Mêrdînê, navenda Artukluyê ya di bin rêveberiya DEM' Partiyê de û li navçeyên Qoser, Nisêbîn, Dêrikê, Kerboran, Şemrex dewam dikin. &nbsp;Li gel endamên partiyê yên beşdarî nobedê dibin, welatî jî li dijî polîtîkayên qeyûman derdikevin û diyar dikin ku divê vîna wan bê parastin.

	&nbsp;

	'Bila gelê me vîna xwe biparêze'

	&nbsp;

	Hevseroka DEM Partiyê ya Navçeya Artukluyê Katîbe Îzgî destnîşan kir ku ew ji 4'ê Hezîranê ve di nava çalakiyan de ne û got, “Heta encam bigirin em ê çalakiyên xwe bidomînin. Em li vir bi hemû xebatkarên partiyê û gelê xwe yê welatparêz re nobetê digirin. Gelê me piştgiriyê dide şaredariyên xwe û beşdarî çalakiyê dibe. Heta ku Şaredariya Colemêrgê paşve bê girtin em ê di nava çalakiyan de bin. Em bang &nbsp;gelê xwe dikin ku vîna xwe biparêze.

	&nbsp;

	'Heta qeyûm biçe dê têkoşîn bidome'

	&nbsp;

	Hevseroka Navçeya Dêrikê ya DEM Partiyê Kadriye Akar jî diyar kir ku welatî her roj tên ber avahiyên şaredariyê û li baxçe nobetê digirin. Kadriye diyar kir ku bi sedan kes tevli çalakiya nobedê bûne û got, “Em dest ji doza xwe bernadin. Em ê têkoşîna xwe bidomînin heta ku qeyûm biçe. Me şaredariya xwe bi îradeya gel girt û pêwîste gel vîna xwe biparêze. Em ê heta dawiyê çalakiya xwe bidomînin. &nbsp;Divê gelê me jî bi hev re îradeya xwe biparêze. Heta ku Şaredariya Colemêrgê paşve vegerînin em ê têkoşîna xwe bidomînin."

	&nbsp;

	'Em Kurd her hebûn'

	&nbsp;

	Hevseroka Navçeya Şemrexê ya DEM'ê Zînet Çalim hilbijartinên herêmî bi bîr xist û anî ziman ku gund bi gund geriyan û di nava gel de xebitîne. Zînetê anî ziman ku ew li dijî qeyûmane û wiha got: “Şaredariyên me yên me ne. Em kurd her tim hebûne û me hebûna xwe parastiye, em naxwazin bên paşguhkirin. Em ê vîna xwe radestî wan nekin. Sibe em nebin jî zarok û neviyên me hene û dê vîna xwe biparêzin. Gelê me bi me re ye."

	&nbsp;

	&nbsp;

	&nbsp;