
Bi sedan leşker û polîsan dengê xwe bi komî bi kar anîn

2024-03-31 09:50:46


	&nbsp;

	&nbsp;

	NAVENDA NÛÇEYAN - Leşker û polîsên ku AKP’ê li gelek bajaran veguhestibû û dê dengê komî bidin, li ser sindoqan hatin veguhestin.&nbsp;

	&nbsp;

	Kar û barê dengdayînê yê di hilbijartinên rêveberiyên herêmî de dest pê kir. Bi destpêkirina dengdayînê re leşker û polîsên ku AKP’ê weke hilbijêrên xwe li gelek bajaran veguhestî, bi komî li ser sindoqan hatin veguhestin.&nbsp;

	&nbsp;

	Dengdayin hat sekinandin

	&nbsp;

	Leşker û polîsên li navçeyên Kerboran û Stewrê yên Mêrdînê hatin veguhestin, bi awayekî komî li ser sindoqan hatin veguhestin. Dîmenên leşker û polîsên anîn Dibistana Amadehî ya Kerboranê û Dibistana Navîn a Kerboranê hatin kişandin.&nbsp;

	&nbsp;

	Li navçeya Stewrê jî leşker û polîs li Dibistana Navîn a Azîz Sancar û li Dibistana Amadehî ya Nûr Cingillioglû hatin dîtin. Leşker û polîs bi otobûsan li anîn dibistanan û Partiya Wekhevî û Demokrasiyê ya Gelan (DEM Partî) jî li dijî vê îtîraz kir. Li her du dibistanên navborî dengdayîn hate sekinandin.&nbsp;

	&nbsp;

	Amed/Pasûr&nbsp;

	&nbsp;

	

	&nbsp;

	Li Dibistana Navîn a Ataturkê, Dibistana Navîn a Seyrekê, Dibistana Navîn a Hamzali Canaydin û Dibistana Navîn a Uzunova yên navçeya Pasûr a Amedê jî leşker û polîsên veguhestî dest bi dengdayînê kirin. Polîs û leşkerên cil û bergên sivîl li xwe kirin, bi mînîbusan anîn dibistanan. Welatiyên ku ji bo dengdayînê hatin ser sindoqê, bertek nîşanî rewşê dan. Li ser sindoqan rageşî dest pê kir.&nbsp;

	&nbsp;

	Colemêrg

	&nbsp;

	Li bajarokên Xirvate û Bajêrge yên navçeya Geverê ya Colemêrgê jî bi sedan polîs û leşker bi komî çûn ser sindoqan. Li Xirvateyê leşker bi wesayîtên zirxî hatin û li bajarokê Bajêrgeyê jî li gel AKP’iyan hatin dibistanan.&nbsp;

	&nbsp;

	DEM &nbsp;Partiyê ragihandibû&nbsp;

	&nbsp;

	DEM Partiyê li 32 cihan li dijî 54 hezar hilbijêrên bêusûl îtîraz kiribû. Navendên leşker û polîs lê hatin veguhestin jî weke Amed, Şirnex, Colemêrg, Êlih, Agirî, Mûş, Îdir, Qers, Riha, Sêrt, Mêrdîn û Dêrsim hatibûn tespîtkirin.&nbsp;

	&nbsp;