Ji Rihayê peyama ‘Abdullah Ocalan li dijî Nemrutên îroyîn berxwe dide’  

2024-02-14 18:48:52


	 

	RIHA - Meşvanên ku ji bo azadiya Rêberê PKK'ê Abdullah Ocalan ji Amedê ketin rê, piştî Sêwregê û Curnê Reş, derbasî Rihayê bûn. Bi sedan kesî bertek nîşanê tecrîd û koployê dan û di axaftinên hatin kirin de hat diyarkirin ku Abdullah Ocalan di roja îro de li dijî Nemrutan berxwe dide.

	 

	Siyasetmedar û rêxistinên saziyên sivîl yên demokratîk ku ji bo azadiya Rêberê PKK'ê Abdullah Ocalan û çareseriya demokratîk a pirsgirêka Kurd ji Qers û Wanê bi rê ketin, piştî navçeya Sêwereg û Curnê Reş, derbasî Rihayê bûn. Di têketina Rihayê de meşvan ji aliyê gelek kesî ve hatin pêşwazîkirin û  li navçeya Halîliye bi gel re hatin gel hev.

	 

	Li ser navê meşvanan hevserokê Giştî yê DBP’ê Keskîn Bayindir axivî.

	 

	Keskîn der barê meşê de agahî da û da zanîn ku ji du  baskî dest bi meşê kirine û piştî 14 rojan şûnde gihiştine Rihayê û got: “Riha bajarekî pîroze. Îbrahîmî bi salane li Kurdistanê li dijî fîravunan têdikoşin. Îro Birêz Ocalan Îbrahimiyan diparêze. Me ev meş ji bo wî da destpêkirin. Gel çawa li dijî Fîravun û Nemrut serî netewand wê îro jî netewîne. Wê meşa me bigihêje armanca xwe. Tecrîdek giran li ser Birêz Ocalan heye. Hêviya me heye. Emê li Amarayê bin û vê berxwedanê mezin bikin. Em ê biserkevin.”

	 

	Piştî daxuyaniyê girse berbi vahiya DEM Partiyê derbasî meşê bûn.

	 

	Li ber avahiya DEM Partî ya Rihayê jî daxuyanî hat dayîn. Hevberdevkê HDK’ê Cengîz Çîçek li wir axivî û da zanîn ku ev 14 rojin dimeşin û tevî her cureyê dagikirin û zextan ji azadiya xwe tawîz nedane û meşiyane. Cengîz her wiha bi lêv kir ku wê meşa xwe bidomînin.

	 

	Daxuyanî bi dirûşmeyan bidawî bû.

	 

	Meşvanên Azadiyê Sibê wê bimeşin Amarayê.