
Meşvanên Azadiyê li Bismilê meşiyan  

2024-02-12 16:05:19


	&nbsp;

	AMED - &nbsp;Milê Qersê yê "Meşa Azadiyê ya Mezin" gihaşt navçeya Bismilê ya Amedê. Meşvanên ku li kuçe û kolanên navçeyê meşiyan, 3 saetan bi hoparlorên seyyar armanca meşê vegotin.

	&nbsp;

	Milê Qersê yê "Meşa Azadiyê ya Mezin" ku 12 roj in bi beşdariya siyasetmedar û rêxistinên girseyî yên demokratîk ji bo azadiya Rêberê PKK'ê Abdullah Ocalan û bi awayekî demokratîk çareserkirina meseleya kurd didome, gihaşt navçeya Bismilê ya Amedê. Meşvan li kolana herî qelebalix a navçeyê peya bûn û bi berzkirina dirûşmeyên "Bijî berxwedana zindanan" û "Bimre koletî, bijî azadî" li ser rê meşiyan. Ji ber ku nehat hiştin meşvan û girse li ber avahiya DEM Partiyê ya navçeyê bên cem hev, parlementer li kolanên navçeyê meşiyan û bi hoparlora seyyar armanca meşê vegotin. Meşa li kuçe û kolanên navçeyê 3 saetan dewam kir.

	&nbsp;

	Gava meşvan li nava navçeyê meşiyan welatiyan jî şaneşîn û paceyên xwe bi nîşaneya seerketinê û tilîliyan piştgiriya xwe dan der.

	&nbsp;

	Dayikan jî qurnefîl û kulîlk danîn kuçe û kolanên ku meşvan di wan de meşiyan. Hevseroka Giştî ya DBP'ê Çîgdem Kiliçgun Ûçar li vir axivî. Çîgdemê armanca meşê vegot û destnîşan kir ku heya Abdullah Ocalan azad nebe dê meşa wan bidome.

	&nbsp;

	Çîgdemê da zanîn ku dê meşa wan bidome û hemû gel vexwand hevdîtina ku dê sibê li Amedê çêbibe.

	&nbsp;

	Daxuyanî bi berzkirina dirûşman bi dawî bû.

	&nbsp;

	&nbsp;

	

	&nbsp;

	

	&nbsp;

	&nbsp;

	&nbsp;