
Ji girtîgehê peyama bideng ji Nobetê Edaletê re şandin 

2024-01-26 15:43:43


	&nbsp;

	&nbsp;

	STENBOL - Nobeta Edaletê ya li Stenbolê 45 roj in didome. Di çalakiyê de li peyama bideng a ji girtîgehê hatiye hat guhdarkirin.&nbsp;

	&nbsp;

	Çalakiya Nobeda Edaletê ya ku di 13'ê Kanûna 2023'an de bi malbatên girtiyan re bi pêşengiya Komeleya Piştevaniya bi Malbatên Girtiyan û Hukumxaran (MATUHAYDER) li Stenbolê hatibû destpêkirin, li Rêxistina Navçeya Sancaktepe ya Partiya Wekhevî û Demokrasiyê ya Gelan (DEM Partî) &nbsp;dewam dike. Di çalakiya Nobeta Edaletê de dirûşmên “Jin jiyan azadî”, “Bijî berxwedana zindanan” û “Bijî Serok Apo” hatin berzkirin.&nbsp;

	&nbsp;

	Îro Nobeta Edaletê ji aliyê rêveberên DEM Partî yên navçeya Kartalê dewr girtin. Platforma Têkoşîna Yekbûyî û rêveberên DEM Partî tevli çalakiyê bûn. Di çalakiyê de çalakvanan çepik lêdan, dirûşm berz kirin, lîrandin û diyar kirin ku ew li gel têkoşîna girtiyan e.&nbsp;

	&nbsp;

	Ji Platforma Têkoşîna Yekbûyî Muhammed Hizmetçi diyar kir ku ew Nobetên Edaletê silav dikin û got ew ê kesên têdikoşin bi ser bikevin.&nbsp;

	&nbsp;

	Ji girtîgehê peyama bideng ji Nobetê Edaletê re şandin&nbsp;

	&nbsp;

	Her wiha li qeyda dengê Mazlum Îçli yê di greva birçîbûnê de ye hat guhdarkirin. Di dema çalakiyên Kobanê de Mazlum ê 140 kilometreyî li dûrî cihê bûyerê li dawetekê bû dîsa jî ji mirina 4 kesî berpirs hat dîtin û 124 ceza lê hat birîn. Tevî ku bi dîmenan hat ispatkirin ku li dawetê ye jî nehat berdan.&nbsp;

	&nbsp;

	Çalakî bi çepik, gotina kilaman, berzkirina dirûşman û bi lîrandinê dewam dike.&nbsp;

	&nbsp;

	&nbsp;