
Xizmên Windayan li Amed û Êlihê faîlên salên 90’î pirsîn  

2023-09-09 13:36:51


	&nbsp;

	&nbsp;

	&nbsp;

	AMED/ÊLIH - Li Amed û Êlihê Xizmên Windayan aqûbeta windayên xwe pirsîn û piştevaniya xwe ya ji bo Dayikên Şemiyê anîn ziman.&nbsp;

	&nbsp;

	Çalakiya Xizmên Windayan li Amed û Êlihê pêk hat. Li Amedê li faîlên Hatîce Atalay, li Êlihê jî li faîlên siyasetmedar Mehmet Sîncar û Metîn Ozdemîr hat pirsîn.

	&nbsp;

	Amed

	&nbsp;

	Xizmên Windayan û rêveberên Şaxa Komeleya Mafên Mirovan (ÎHD) a Amedê di hefteya 761’emîn de çalakiya “Bila winda bên dîtin û faîl bên darizandin” li ber Bîrdariya Mafên Mirovan a li Parka Koşûyolûya Amedê li dar xistin. Malbatan wêneyên windayan hildan û pankarta wêneyên windayan li ser in li erdê raxistin. Parêzvanên mafê mirovan û xizmên windayan tev li çalakiyê bûn.&nbsp;

	&nbsp;&nbsp;

	Sekreterê ÎHD’a Amedê Omer Saman di çalakiyê de axivî û da zanîn ku ew xwedî li têkoşîna Dayikên Şemiyê derdikevin û ew naxwazin zext û îşkence li Dayikên Şemiyê bê kirin û xwest li ber daxwazên Dayikên Şemiyê hurmet bê girtin.&nbsp;

	&nbsp;

	Vê hefteyê serpêhatiya Hatîce Atalay a li navçeya Pîrana Amedê di 10’ê îlona 1996’an de di encama gulebarana leşkeran de jiyana xwe ji dest da hat xwendin. Endama Komîsyona Windayan a ÎHD’a Amedê Berfîn Elçî serpêhatiya Atalay xwend û xwest faîlên Atalay bên dîtin.&nbsp;

	&nbsp;

	Piştî xwendina serpêhatiyê çalakiya rûniştinê hat lidarxistin.&nbsp;

	&nbsp;

	Êlih

	&nbsp;

	Xizmên Windayan û rêveberên ÎHD’a Êlihê jî di hefteya 597’emîn de çalakiya “Bila winda bên dîtin û faîl bên darizandin” li ber Bîrdariya Mafên Mirovan a li serê Cadeya Gulistanê ya Êlihê li dar xistin. Endamên Komeleya Hiqûqnasên ji bo Azadiyê (OHD) û rêveberên MEBYA-DER’ê tev li çalakiyê bûn.&nbsp;

	&nbsp;

	Di çalakiya vê hefteyê de Parlamenterê DEP’ê yê Mêrdînê Mehmet Sîncar û rêveberê DEP’ê yê Êlihê Metîn Ozdemîr ên di 4’ê Îlona 1993’yan de li Êlihê hatibûn qetilkirin, hatin bibîranîn û li faîlên wan hatin pirsîn. Rêveberê ÎHD’ê Sînan Îslam Gegîn di çalakiyê de axivî û destnîşan kir ku heta ku ew encamê ji aqûbeta windayan bigirin dê çalakî û têkoşîna xwe bidomînin.&nbsp;

	&nbsp;

	Piştî daxuyaniyê çalakiya rûniştinê hat lidarxistin.&nbsp;

	&nbsp;