
Di cejna Remezanê de li Helebê serdana gora pakrewanan hat kirin 

2023-04-21 09:57:14


	&nbsp;

	HELEB - Bi munasebeta hatina cejna Remezanê îro li taxa Şêxmeqsûdê ya bajarê Helebê serdana gora pakrewanan hate kirin.&nbsp;

	&nbsp;

	Bi munasebeta hatina cejna Remezanê îro li taxa Şêxmeqsûdê ya bajarê Helebê serdana gora pakrewanan hate kirin.&nbsp;

	Li goristana bi navê pakrewanên Şêxmeqsûda berxwedêr a ku li deverê bi navê Şiqeyef ku li xerbî taxê dikeve gelek kes kom bûn. Bi amedebûna endamên sazî û partiyên taxê û malbetên pakrewanan serdana gorên pakrewanan hat kirin.&nbsp;

	&nbsp;

	Piştî deqeyeke rêzgirtin axaftin li ser navê Meclîsa Malbatên Pakrewanan Velantîna Ebdo ve hate kirin. Velantîna di destpêka axaftina xwe de got : "Em îro bi hev re li vî cihê pîroz bi hev re cejna Remezanê pîroz dikin, ev yek jî bi saya keda pakrewanên me ne, ji ber pakrewan nirxê herî pîroz a di dîroka gelan de ye. Wan ji bo avakirina welatekî azad û demokratîk canê xwe û tiştê herî buha dan."

	&nbsp;

	'Pakrewan pêşeroja gelan ronî dikin'

	&nbsp;

	Velantîna da zanîn Pakrewan pêşeroja gelan ronî dikin û wiha got:"Bi saya ked û berxewdana pakrewanên me pêşeroja gelan ronî dibe, her wiha tevî şert û mercên giran û hemî erîşên ku îro bi ser gelê kurd de tê lê em dibînin li hemberî hemî kiryarên hov êdî gelê me xwedî hêz û bawerî ye û li benda jiyîna pêşerojeke azad in."

	&nbsp;

	Di dawiya axaftina xwe de Velantîna cejna Remezanê li tevahî gelê misiliman û malbetê pakrewanan pîroz kir.

	&nbsp;

	&nbsp;

	

	&nbsp;