Bi rihê berxwedanê Newroz li Helebê tê pîrozkirin 

2023-03-21 14:25:42


	 

	HELEB - Bi dirûşma "Bi rihê berxwedana Newrozê em ê Rêberê PKK'ê Abdullah Ocalan rizgar bikin û dagirkeriyê têk bibin" gel li Taxa Şêxmeqsûdê herikîn qadan Newrozê û Newroza 2023'yan pîroz kirin.

	 

	Îro li taxa Şêxmeqsûdê ya bajarê Helebê Newroza 2023'yan bi dirûşma "Bi rihê berxwedana Newrozê em ê Rêberê PKK'ê Abdullah Ocalan rizgar bikin û dagirkeriyê têk bibin"hat pêşwazîkirin. 

	 

	Pîrozbahî li devera bi navê Şiqeyêf a ku dikeve milê xerbî yê taxê hat lidarxistin. Bi hezaran welatî ji taxê û derveyî taxê her wiha partiyên siyasî derbasî cihê şahiyê bûn û ev roj bi coşeke mezin pîroz kirin. Piştî deqeyek rêzgirtin agirê Newrozê li qadê hat dadan. Piştre li dengê Rêberê PKK'ê Abdullah Ocalan hat kirin. Piştre Endama Koordînasyona Kongreya Star Emnê Xidro axivî. Emnê Xidro di destpêka axaftina xwe de wiha got : “Em cejna Newrozê li hemû malbatên şervanên azadiyê yên li serê çiya û li malbatên şehîdan û li Rêberê PKK'ê  Abdullah Ocalan pîroz dikin."

	 

	Emnê di berdewamiya axaftina xwe de wiha anî ziman û got: “ Ev bû bi hezaran salan ku gelê kurd vê rojê pîroz dikin. Heta roja îro jî agirê Newrozê tê dadan. Ev Newroza em saya pakrewanan pîroz dikin. 

	 

	Herwiha welatiya bi navê Xalîde Ebdo ji ajansa mere axivî û wiha got: “Em Newroza 2023'yan li hemû gelê kurd û Sûriyeyê pîroz dikim, ev roj ji bo me roja wekhevî, azadî û serfiraziyê ye ."

	 

	Xalîde Ebdo di berdewamiya axaftina xwe de wiha anî ziman: "Bi rihê berxwedana Newrozê em ê bigihêjin azadiya hemû gelên Sûriyeyê û bi taybet herêmên dagirkirî û em weke gelê kurd piştî dayîna bedelên pir giran em vê roja dîrokî pîroz dikin. "