
'Kobanê ji bo jinan li ber xwe da' 

2022-11-21 10:40:00


	&nbsp;

	&nbsp;

	ÎZMÎR - Di daxuyaniya ku ji aliyê TJA, HDP û Dayikên Aştiyê ve hat dayîn de, hat diyarkirin ku Kobanê li dijî DAIŞ'ê, ji bo hemû gel û jinên cîhanê têkoşîn da û banga piştevaniya bi gelê Kobanê re kirin.&nbsp;

	&nbsp;

	Tevgera Jinên Azad (TJA) &nbsp;Dayikên Aştiyê û Rêxistina Partiya Demokratîk a Gelan (HDP) ya Îzmîrê, li ber Nûnertiya HDP'ê ya Îzmîrê daxuyaniyek dan û êrîşên Tirkiyeyê yên li ser Kobanê şermezar kirin. Di daxuyaniyê de gelek caran dirûşmên "Jin jiyan azadî" û "Bijî berwxedana Kobanê" hatin berzkirin û pankarta "Jin jiyan azadî, li dijî faşîzm û qirkirina jinê dem dema azadiya jinê ye" hat vekirin. Di daxuyaniyê de Berdevka Dayikên Aştiyê ya Îzmîrê Behiye Yalçin û ji TJA'yê Derya Kandemîr mafê axaftinê girtin.

	&nbsp;

	'Em li cem Kobanê ne'

	&nbsp;

	Berdevka Dayîkên Aştiyê ya Îzmîrê Behiye Yalçin di destpêkê de axivî û diyar kir ku gelê Kurd bi komkujiyeke mezin re rû bi rû ye û got, “Em komkujiyê şermezar dikin. Em dixwazin xwîn raweste. Bila qetlîam nebe, bila dilê dayikan neşewite. Ew bes e. Bila tu kes neyên kuştin. Em hemû bi Kobanê re ne.”

	&nbsp;

	'Li herderê xwedî li berxwedana Kobanê derdikevin'

	&nbsp;

	Piştre Endama TJA’yê Derya Kandemîr axivî û diyar kir ku serkeftina berxwedana gel a li Kobanê ya ku di navbera 14-15’ê Îlona 2014’an de &nbsp;DAIŞ’ê êrîşî wê kir, li cîhanê deng veda. Berxwedana Kobanê ya ku ji aliyê tevahiya hemû cîhanê ve hat dîtin li herderê xwedî li vê berxwedanê derketin. &nbsp;Bi banga bi hezaran kesên li çar aliyê cîhanê ku di nav de xwediyên Xelata Nobelê ya Aştiyê, akademîsyen, rewşenbîr, nivîskar û nûnerên saziyên sivîl jî hene, 1'ê Mijdarê Roja Kobanê ya Cîhanê hate ragihandin."

	&nbsp;

	Derya diyar kir ku ew xwedî li şorşoreşa Kobanê hembêz kirine û bang li hemû cîhanê kir ku ji bo Kobanê li hev bicivin.

	&nbsp;

	Daxuyanî bi dirûşman bi dawî bû.

	&nbsp;