Saadet Akin a girtî ji bo Jîna stran nivîsî  

2022-10-17 09:35:00


	 

	 

	STENBOL - Girtiya bi navê Saadet Akin, ji bo Jîna Mahsa Amînî ya ku li Îranê hat qetilkirin strana bi navê “Jîna jînda bû jin jiyan” nivîsî.

	 

	Girtiya bi navê Saadet Akin a ku di Girtîgeha Girtî ya Jinan a Sîncanê girtî ye, ji bo Jîna Mahsa Amînî ya ku di 16’ê îlonê de li paytexta Îranê Tahranê ji aliyê “polîsên exlaqê” ve hat qetilkrin stran nivîsî. Saadeta ku bi hevdîtina telefonê ya heftane de bi malbata xwe re axivî, strana bi navê “Jîna jînda bû jin jiyan” vegot. Saadet, her wiha serhildana jinan ku li Rojhilat pêşket slav kir.   

	 

	Jinên têkoşer slav kir

	 

	Saadet, têkoşîna jinan bi taybetî di şexsê Rojhilatê Kurdistanê de pêşketiye slav kir û wiha got: “Em jî bi rihê vê şoreşê û berxwedanê wan jinên li qadan li hemberî tarîtiyê û zordestiyê pergala jinkuj ku serî rakirine li kolanan bi vîna xwe li hemberî vê tarîtiyê şer dikin, em hemû jinan yek û yek pîroz dikin. Slavên herî germ û hêstên xwe yên şoreşgerî ji wan re dişînin. Û vê serhildana wan ku di bin dirûşmeya ‘Jin, jiyan, azadî’ li cihanê belav bûye em pîroz dikin. Em hêstên xwe yên azadiya jinê û têkoşîna wê yek û yek û gav bi gav digihîje ber bi azadiyê be em slav dikin. Em hemû jinên ku ji bo azadiyê li hemberî pergala baviksalarî şer dikin slav  dikin û bejna xwe li ber têkoşîna wan ditewînim. Slav û hezkirinên şoreşgerî.”  

	 

	Strana Saadetê wiha ye:

	 

	
		Jiyana min benda dîlbera bin dilê
	
		Daye kewhe pêşimê ji mezin kiriye jînê
	
		Çêdike jîna me ala şoraşa jinê
	
		Her gulek bi ruhê şervanê gulê gulîstanê
	
		Şervanê gulîstanê         
	
		 
	
		Jîna jînda bû jin jiyan, bû çûriskek li rojê
	
		Jîna jînda bû jin jiyan, bû çûriskek li rojê
	
		Bi navê te sondixwin jin, jiyan, azadî
	
		Jin, jiyan, azadî
	
		 
	
		Di sala sedsalên tarî kenên te bû ronahî
	
		Li heft porzemînan heft rengên keskesorî
	
		Canê te jîn dide rojê dide cihanê
	
		Hildiweşe têkvediçe pergala padîşahî
	
		Pergala padîşahî
	
		 
	
		Jîna jînda bû jin jiyan, bû çûriskek li rojê
	
		Jîna jînda bû jin jiyan, bû çûriskek li rojê
	
		Bi navê te son dixwin jin, jiyan, azadî
	
		Jin, jiyan, azadî
	
		 
	
		Rûyê reş hişmendiyê reş, pak nabe bi şalê reş 
	
		Por tune guneh tune azadî sînor nîne
	
		Kal û pîre, jin û mêr bang dikin bi navê te
	
		Jana Jîna raza jîya tu helbesta vîna me
	
		Tu helbesta vîna me
	
		 
	
		Jîna jînda bû jin jiyan, bû çûriskek li rojê
	
		Jîna jînda bû jin jiyan, bû çûriskek li rojê
	
		Bi navê te sondixwin jin, jiyan, azadî
	
		Jin, jiyan, azadî
	
		 
	
		Di ber banga salê de bi agirê Mediya
	
		Bixemlînim bejn û balê bi xiftanê spî ve 
	
		Ji Saqizta çar çira dibim dengê Zagrosan 
	
		Diçêrînim alên reş bin ve dixim jinkûjan
	
		bin ve dixim jinkûjan
	
		 
	
		Jîna jînda bû jin jiyan, bû çûriskek li rojê
	
		Jîna jînda bû jin jiyan, bû çûriskek li rojê
	
		Bi navê te sondixwin jin, jiyan, azadî
	
		Jin, jiyan, azadî