
Polîsan êriş bir ser çalakiya 'Nobeta Edaletê' 

2022-09-03 17:08:31


	&nbsp;

	&nbsp;

	STENBOL - Polîsan êriş bir ser çalakiya "Nobeta Edaletê" ya Stenbolê û di nav de nûçegîhana ETHA'yê heyî 20 kes hatin binçavkirin û nûçegîhanê ajansa MA'yê jî bi şîdeta polîsan re rûbirû man.

	&nbsp;

	Çalakiya "Nobeta Edaletê" ya li Stenbolê di hefteya 24'emîn de li Qada Kartalê ya Stenbolê pêk hat. Parlamenterê Partiya Demokratîk a Gelan (HDP) Alî Kenanoglu, hevseroka HDP'ê ya Kartalê Aygul Sîncar û gelek kes tevlî çalakiyê bû. Qada çalakiyê ji hêla polîsan ve hat dorpêçkirin.&nbsp;

	&nbsp;

	Her wiha girseya ku bi meşê dixwest bê qadê hatin dorpêçkirin. Rojnamegerên ku çalakî dişopandin jî ji hêla polîsan ve hatin astengkirin. Polîs qedexeya walîtiyê wek hincet nîşanda û êriş bir ser rojnamegeran. Nûçegîhana ETHA'yê Elîf Bayburt bi lêdanê hat binçavkirin, Elîf jî bi dirûşma "Hûn nikarin çapemeniya azad bêdeng bikin" bertek nîşanî polîsan da. Her wiha di heman çalakiyê de nûçegîhanê Ajansa Mezopotamyayê (MA) Dogan Kaynak jî bi êrişa polîsan re rûbirû ma.&nbsp;

	&nbsp;

	Malbatên girtiyan jî ji hêla polîsan ve hat dorpêçkirin û di nav de Fînce Akman, Cemîle Çîftçî, Cemîle Karakaş, Kumrî Akgul, hevseroka HDP'ê ya Kartalê Aygul Sîncar jî heyî 20 kes bi lêdanê hatin binçavkirin.&nbsp;

	&nbsp;

	Welatiyên derdorê bertek nîşanî êrişa polîsan da û her wiha kesên ku hatin binçavkirin birîn Midûriyeta Emniyetê.&nbsp;

	&nbsp;

	Parlamenterê HDP'ê Alî Kenanogu, bertek nîşanî êrişa polîsan da û diyar kir ku dê tu carî serî netewînin û li dijî îşkenceyan têkoşîna xwe bidomînin.

	&nbsp;

	&nbsp;