
Bi sedan ji Stenbolê bang kir: Em ê bi çapemeniya azad re bimeşin 

2022-08-29 08:37:54


	&nbsp;

	&nbsp;

	STENBOL - Di şeva NÇM'ê ya ji bo 16 rojnamegerên girt û piştevaniya bi çapemeniya azad re ku hat lidarxistin de, siyasetmedaran hata bi kedkaran kesên ku kom bûn &nbsp;gotinku ewê bi çapemeniya azad a ku tu carî dev ji ragihandina rastiyan berneda re bimeşin.

	&nbsp;&nbsp;

	Navenda Çanda Mezopotamya (NÇM) bi armanca piştevaniya bi 16 rojnamegerên kurd ku li Amedê hatin girtin û çapemeniya azad, li Navenda Çandê ya Cemîl Candaş a Şîşliyê şeva piştgiriyê li dar xist. Gelek rojnamevan, siyasetmedar, parêzvanên mafên mirovan, parlamenter, hiqûqnas, nûnerên rêxistinên jinan, nûnerên rêxistinên sivîl, hunermend, Dayikên Aştiyê û kes tevli bernameyê bûn.&nbsp;

	&nbsp;

	Bernameyê bi deqîqeyek rêzgirtina ji bo bîranîna rojnamevanên hatine kuştin dest pê kir. Sînevziyona ku qala têkoşîna rojnamevanên kurd dikir hat pêşandan.&nbsp;

	&nbsp;

	Pişt re nameya Midûra ajansa me JinNewsê Safiye Alagaş a li Girtîgeha Amedê ya Jinan girtî hat xwendin û di peyamê de tevahiya beşdar hatin silavkirin û ji bo vê şevê malavatiya NÇM'ê kir. Safiye da zanîn ku wan pênûsa xwe ji Mûsa Anter Gurbetelî Ersoz, Nûjiyan Erhan, Denîz Firat û ji bi dehan şehîdên çapemeniya azad dewr girtine û kêliyek jî ji destê xwe nexistine û dê nexînin.&nbsp;

	&nbsp;

	Piştre endama Teatra Jiyana Nû Rûgeş Kirici axivî û bal kişand ser girîngî û wateya şevê û qala rastiya çapemeniya azad kir.&nbsp;

	&nbsp;

	Pişt re Koma Bandista derket ser dikê û strand.&nbsp;

	&nbsp;

	‘Bi dehan rojnamevan di vê rêyê de şehîd bûn'&nbsp;

	&nbsp;

	Paşê rojnamevan Huseyîn Aykol axivî û bi bîr xist ku çapemeniya azad 33 sal li pey xwe hişt û di van salan de bi sedan rojnameyan gîhandine. Huseyîn anî ziman ku wan serî netewandiye, heqîqet nivîsandine û ragihandine û got: "Me bi dehan rojnamevan şehîd di vê rêyê de dan. Bi sedan hevalên me rojnamevan hatin girtin û darizandin. Em hê jî tên girtin. Me serî netewand û em ê netewînin. Me deynê xwe da û em ê her deynê xwe bidin."&nbsp;

	&nbsp;

	Peyamên piştevaniyê&nbsp;

	&nbsp;

	Her wiha peyamên ku siyasetmedar, parêzvanên mafên mirovan, rojnamevan û rewşenbîrên ku şandibûn şevê jî hatin xwendin û dilsoziya xwe ya bi çapemeniya azad re anîn ziman. Peyaamên bi rêya vîdeoyê yên hunermend Suavî, Şanar Yurdatapan, Kawa, Dîcle Anter, Tulîn Ozen û Husnu Arkan şandibûn hatin pêşandan.&nbsp;

	&nbsp;

	Şev li ber stranên Aryen Kom û hunermend Kadîr Çat bi dawî bû.&nbsp;

	&nbsp;

	&nbsp;