
Dı Nobeda Edaletê de banga parastina mafê jiyanê hat kirin  

2022-08-24 12:41:40


	&nbsp;

	&nbsp;

	AMED - Malbatên ku li Amedê Nobeta Edeletê didomînin diyar kirin ku tevî ku 10 meh in di çalakiyê de ne jî bersiva ku dixwazin negirtine.

	&nbsp;

	Nobet Edaletê ya malbatên girtiyan a ji bo girtiyên nexweş û ên ku înfazawan hatiye şewitandin bên berdan, li Amedê 281 roj in dewam dike. Malbatan banga parstina mafê jiyanê kirin.

	&nbsp;

	Malbatan îro jî çalakiya xwe li ber Saziya Tiba Edlî pêk anîn. Partiya Demokratîk a Gelan (HDP), Partiya Herêmên Demokratîk (DBP), Komeleya Lêkolîna Ziman û Çandê ya Mezopotamyayê (MED-DER), &nbsp;Komeleya Yekîtî Çand û Piştevaniya bi Malbatên Xizmên Xwe li Dergûşa Şaristaniyê Mezopotamyayê Winda Kirine (MEBYA-DER), Komeleya Alîkarî û Piştevaniya bi Malbatên Girtî û Hikumxwaran re (TÛHAY-DER), endam û rêveberên &nbsp;Înîsiyatîfa piştgirî dan çalakiyê.

	&nbsp;

	'Werin em mafê jiyanê biparzin'

	&nbsp;

	Di çalakiyê de keça Abdulhalîm Kirtay Herdem Merwanî axivî û got: “Me gelek caran li vir &nbsp;bang li partiyên siyasî kir ku bibin dengê me û daxwazên me bînin rojevê. Lê 10 meh derbas bû û hin jî me bersiva ku dixwest negirtiye. Partiyên siyasî me bi tenê hiştin.”

	&nbsp;

	Herdemê destnîşan kir ku pêkanînên li dijî girtiyên nexweş neqanûnî ne û wiha dewam kir: “Her ku diçe rewşa girtiyên nexweş girantir dibe. Bila girtî ne piştî mirinê, &nbsp;beriya mirinê bên rojeve. Em careke din bang li partiyên siyasî dikin, werin em bi hevre mafê jiyanê biparêzin.

	&nbsp;

	Nobeta Edeletê bi dirûşmên “Bijî Berxwedana Zindanan” û “Heq, Hiqûq, Edelet” bi dawî bû.

	&nbsp;

	&nbsp;