
Di Nobeda Edaletê de banga bidawîkirina tecrîdê hat kirin 

2022-07-07 15:53:47


	&nbsp;

	ÎZMÎR - Di Nobeda Edaletê de xizmên girtiyan daxwaz kirin ku tecrîda li ser Rêberê PKK'ê Abdullah Ocalan bi dawî bibe.&nbsp;

	&nbsp;

	Nobeda Edaletê ya xizmên girtiyan ji bo girtiyên înfaza wan hatine şewitandin bên berdan û girtiyên nexweş bên berdan dest pê kiribûn di roja 84'an de li ber Edliyeya Bayrakliyê ya Îzmîrê didome. Rêxistinên Partiya Demokratîk a Gelan (HDP) ên Bornova û Bayrakliyê çûn serdana Nobeda Edaletê. Di daxuyaniya nobedê de dirûşma “Bijî berxwedana zindanan” tim hat berzkirin.&nbsp;

	&nbsp;

	Hevserokê HDP'ê ya navçeya Bornovayê Nedim Yilmaz got ji bo hiqûq pêk bê divê dev ji polîtîkayên şer bê berdan.&nbsp;

	&nbsp;

	Dayika girtiyê nexweş Medet Sever ê di Girtîgeha hejmara T-1'ê de tê girtin, Hanim Sever da zanîn ku zarokên wan qetil dikin û dibêjin întihat û got em mafên mirovan û azadiyê dixwazin. Her wiha Hanimê bal kişand ser tecrîda li ser Rêberê PKK'ê Abdullah Ocalan û got Abdullah Ocalan di bin tecrîdê de ye û xwest tecrîd bi dawî bibe.&nbsp;

	&nbsp;

	&nbsp;

	&nbsp;

	&nbsp;

	&nbsp;