
Li hemberî astengiyan: Dê li hemû kolanên Amedê agirê Newrozê geş bibe  

2022-03-21 13:47:07


	&nbsp;

	&nbsp;

	AMED - Sedhezaran kes li qada Newrozê ya Amedê kom bûn. Polîs hewl dide provokasyonan pêş bixe. Berdevka Meclîsa Jinan a HDP'ê Ayşe Acar Başaran, bertek nîşanî astengiyên polîsan da û got: “Peşiya girseyê vekin. Ku hûn pêşî li girseyê venekin dê li hemû kolanên Amedê Agirê Newrozê geş bibe. Dê hemû kolan bibin Qadê Newrozê.”&nbsp;

	&nbsp;

	Fînala Newroza &nbsp;2022’an bi dirûşmeya “Dem dema serkeftinê ye” li qada Parka Newrozê ya Amedê tê pîrozkirin. Bi deh hezaran kesan barîkatên polîsan derbas kirin û ketin Qada Newrozê. Bi sed hezaran Amedî jî li pişt barîkatan kom bûne û hewl didin derbasî qadê bibin. Ji 7 salî heta 70 salî girse dimeşin qada Newrozê. Gelek rewşenbir, nivîskar û siyasetmedar ji welatên Ewropa û Rojhilata Navîn hatin Amedê û beşdarî pirozbahiya Newrozê bûn. Gelek siyasetmedar û rojnameger ji Herêma Federe ya Kurdistanê, ji Iraq, Misir, Lubnan, Fas, Tûnûs, Urdun û Yemenê, welatên Ewropa, welatên Bakurê Afrikayê beşdarî pîrozbahiya Newrozê bûn.&nbsp;

	&nbsp;

	Li Qadê 'Nobeta Edaletê'

	&nbsp;

	Ji malbatên girtiyên nexweş û girtiyên ku cezayê wan qediya ye û nayê berdan ên Nobeda Edaletê digirin, Încî Guler, Reşahat Ada, Hakki Boltan û Nazire Boltan, Fevziye Kolakan, kurê Bedrî Çakmak ê li girtîgehê jiyana xwe ji dest da Osman Çakmak, di protokola Newrozê de cihê xwe girtin. Di protokola Newrozê de siyasetmedar Ahmet Turk û hevjîna siyasetmedarê girtî Selahattîn Demirtaş &nbsp;Başak Demirtaş jî amade bûn.&nbsp;

	&nbsp;

	Xwestin astengiyan derxin&nbsp;

	&nbsp;

	Midûriyeta Polîsan bi rojan e hewl dide ku pîrozbahiya Newrozê asteng bike. Li qadê jî mudaxaleya girseyê kir û hewl da aloziyan derxin. Polîsan destûr neda ku gel bi cilên xwe yên neteweyî têkev qade. Lê girseyê li dijî vê yekê bi dirûşmeyan hêrsa xwe anî ziman û barîkatên polîsan rakirin. Ciwanan bi dirûşmeyan polîsên ku xwestin li pêş dikê bendê dînin şermezar kirin. Ciwanan bi pankarta “Vîna gel nayê binpêkirin” meşiyan ser polîsan û bê navber dirûşmeyên “Bijî Serok Apo” berz kirin. Piştî ciwan meşiyan ser polîsan, polîsan gav paşve avêtin.&nbsp;

	&nbsp;

	Li qadê govenda azadiyê

	&nbsp;

	Girseya ku ji serê sibê de derket rê, barîkatên polîsan derbas kirin û kedin qadê. Bi sed hezaran li qada Newrozê kom bûn û dest bi pîrozbahiyê kirin. Bi sedhezaran gelê li qadê û dervê barîkatan rawestiyan li hundir û dervê qadê govendê digerînin.&nbsp;

	&nbsp;

	Dema polîsan mudaxaleya girseyê kir Komîteya Amadekar a Newrozê, û parlamenterên HDP’ê derketin ser dikê.&nbsp;

	&nbsp;

	'Pêşiya girseyî vekin'

	&nbsp;

	Hevberdevka meclisa Jinan a HDP’ê Ayşe Acar Başaran, bertek nîşanî astengiyên polîsan da û got: “Peşiya girseyê vekin. Ku hûn pêşî li girseyê venekin dê li hemû kolanên Amedê Agirê Newrozê geş bibe. Dê hemû kolan bibin Qadê Newrozê. Polîs asteng dikin ku gel têkeve qadê. Kesen dibêjin ‘Amed nikare barîkatan derbas bikin’ bêaqil in. Hemû qad û kolan tev qadên Newrozê ne. Em ê li her derê Newrozê pîroz bikin. Tu hêz nikare vîna gelê Amedê rawestîne.&nbsp;

	&nbsp;

	'Gel hûn Gelê Kurd nas nakin'&nbsp;

	&nbsp;

	Ayşe, bang li Midûriyeta Polîsan a Amedê kir û got: “Ku hûn dixwazin gel Nerwozê pîroz neke. Hûn gelê kurd nas nakin. Em ji Midûrê Polîsan ê Amedê, Waliyê Amedê û Wezîrê Karên Hundir re dibêjin dest ji van provokasyonan berdin. Barîkatan rakin. Tu hêz nikarin pêşiya gel bigire.”

	&nbsp;

	Gel bi dirûşmeya “Bijî Serok Apo” bertekên xwe tîne ziman.&nbsp;

	&nbsp;

	&nbsp;