
Li Îdirê agirê Newrozê geş bû  

2022-03-19 13:28:48


	&nbsp;

	&nbsp;

	ÎDIR - Pîrozbahiya Newroza Îdirê ya bi dirûşma "Dem dema azadiyê ye" pêk hat. Newroz bi dîmenên rengo rengo bala gel kişand. Jin bi cilên xwe yên kurdî derketin qadê.&nbsp;

	&nbsp;

	Bi hezaran kes bi dirûşma "Dem dema azadiyê ye" heriqîn qada Newrozê ya Îdirê. Di saetên serê sibehê de jin bi kincên xwe yên kurdî herikîn qada Kiliçlar a Newrozê ya Îdirê. Tevî berfê jî bi def û zirneyê gel govend gerand. Pankartên "Dem dema serkeftinê ye" û "Newroz pîroz be" li qada Newrozê hatin daliqandin.&nbsp;

	&nbsp;

	Piştî rêzgirtinê Hevserokê HDP'ê ya Bajêr Suleyman Serhat axivî.&nbsp;

	&nbsp;

	Pişre jî Hevşaredara Idirê ya ku li şûna wê qeyûm hatî tayînkirin Eylem Çelîk axivî û bal kişand ser parastina pergala hevserokatiyê û destkeftiyên jinan.&nbsp;

	&nbsp;

	Parlamenterê HDP'ê ya Idirê Habip Eksîk jî diyar kir ku Newroz cejna yekitiyê ye û Newroza girtiyan pîroz kir.&nbsp;

	&nbsp;

	Parlamenterê HDP'ê ya Wanê Sezaî Temellî jî di Newrozê de bal kişand ser têkoşîna ku li hemberî zilmê tê dayîn û got: "Gel li dijî zilmê her tim bi biryar têkoşin da. Li hemberî zilmê sekna kurdan her tim diyar e. Tekane muxatabê çareseriya pirsgirêka kurd Abdulah Ocalan e."

	&nbsp;

	Piştî axaftinan agirê Newrozê hat pêxistin û govend hat gerandin. Pîrozbahî bi stranên Koma Muzîkê ya Dengê Meymanê bi dawî bû.&nbsp;

	&nbsp;