Li Sûdanê piraniya wan jin û zarok 39 kes hatin qetilkirin 

2023-08-29 13:54:20


	 

	 

	NAVENDA NÛÇEYAN - Li bajarê Nyala ya eyaleta Darfûr a Başûr a Sûdanê, roja Sêşemê herî kêm 39 kes hatin qetilkirin ku piraniya wan jin û zarok bûn.

	 

	Li gorî agahiyên ku çavkaniyekî tenduristiyê û şahidan dan AFP'ê, di şerê navbera artêşê û hêzên paramîlîter de roket li malan ketin.

	 

	Hate ragihandin ku herî kêm 39 kesan jiyana xwe ji dest dane ku piraniya wan jin û zarok bûn.

	 

	Ji 15'ê Nîsanê û vir ve di navbera artêşa General Abdulfettah El Bûrhan û Hêza Piştevaniya Lezgîn a General Mûhamed Hamdan Daglo de şerekî giran li Sûdanê diqewime.

	 

	Li gorî Neteweyên Yekbûyî li paytexta Darfûr a Başûr Nyalayê 50 hezar kes neçar hatin hiştin ku cih û warê xwe biterikînin.

	 

	Rêxistina civakî ya sivîl ACLED jî diyar kir ku heta niha di şer de nêzî 5 hezar kesî jiyana xwe ji dest dane.