
Di şewata li Yewnanistanê cenazeyê 20 koçberan hat dîtin 

2023-08-23 11:54:18


	&nbsp;

	&nbsp;

	NAVENDA NÛÇEYAN - Di şewata li Yewnanistanê derketî cenazeyên 20 kesan ku tê texmînkirin koçber bin, di sînorê navbera Yewnanistan û Tirkiyeyê de hatin dîtin.

	&nbsp;

	Wezareta Navxweyî ya Yewnanistanê ragihand ku, tîmên agirvemirandinê cenazeyê 20 kesan li daristanên sînorê di navbera Yewnanistan û Tirkiyeyê de dîtine ku hemû di encama şewata daristanan de bi temamî şewitî ne û gûman tê kirin ku koçber bin.

	&nbsp;

	Herwiha di daxuyaniya wezaretê de hate diyarkirin ku ji bo lêgerîna di nava daristanan ya cenaze û birîndaran de tîmek a destwerdana lezgîn hatiye pêkanîn, her wiha koçber li wan daristanan hebin wan veguhêzin cihên aram.

	&nbsp;

	Di daxuyaniya Wezaretê de hate gotin ku cihê ku cenazeyên şewitî lê hatiye dîtin, xeta derbazbûna bi qeçaxî ya koçberane ku ji Tirkiyeyê derbazî Yewnanistanê dibin û ji wê derê derbazî Ewropa dibin.

	&nbsp;

	Nêzîkî du hefteyane agirekê berfireh bi daristanên Yewnanistanê ketiye û bi hezaran kes ji ber şewatê koçber bûne û ziyaneke mezin gihiştiye nîştecihên herêma şewatê.

	&nbsp;