Li Îranê gelek aktîvîstên jin hatin girtin 

2023-08-17 11:10:48


	 

	 

	WAN - Li Îranê di nava hefteyekê de hat diyarkirin ku ji 15 jinan zêdetir ên ku tevli serhildana "Jin jiyan azadî" bûne hatine girtin. Nayê zanîn ku jinên hatine girtin birine kîderê. 

	 

	Zextên dewletê yên li dijî kesên beşdarî serhildana "Jin jiyan azadî" ya ku piştî kuştina Jîna Emînî li Îranê dest pê kiribû, dewam dikin. Hate diyarkirin ku Muhafizên Şoreşê, hêzên ewlekarî û îstixbarata Îranê di nava hefteyekê de zêdetirî 15 jinên çalakvan bi hinceta ku piştgirî dane serhildanê girtine. Hate hînbûn ku aktîvîstên jin ên di nav de rojnameger, wênekêş, nivîskar, helbestvan, pisporên pêşketina zarokan, wênesaz û grafîker jî di nav de li bajarên cuda hatine girtin. Li gor malpera nûçeyan a Bidarzanî ku ji aliyê çalakvanên jin ve tê birêvebirin, gelek jinên çalakvan hatine girtin. Li gorî parvekirinên medyaya dîjîtal ên malbatên wan, agahiya 15 jinan hatiye girtin.

	 

	Girtin berdewam dikin

	 

	Ji aliyeke din ve jî di nava agahiyên hatine bidestxistin de piraniya çalakvanên ku ji aliyê hêzên hikûmetê ve hatine girtin di medyaya dîjîtal de cîh nagirin ji ber ku gef li wan tê xwarin. Her wiha tê diyarkirin ku girtina jinên aktîvîst jî didome. Nayê zanîn ku jinên çalakvan ên hatine girtin birine ku derê.

	 

	Çalakvan hatin girtin

	 

	Li gorî agahiyên hatine bidestxistin, ji bajarê Reştê; Zahra Dadres (Zühre Dadres), Cilve Cevahiri, Forug Semi Niya, Metin Yezdani, ji bajarê Fumenê; Negîn Rezayî Bender ji bajarê Enzeliyê ye; Yasemîn Hoşderî, ji bajarê Lahîcanê; Shiva Shah Black ji Vahedeh Xoshsiret, Tehran; Elahe Asker tevî keça xwe Nêrgês Serdarî hat girtin.