
Li Tacikistanê bi hêza 7.2 erdhej pêk hat  

2023-02-23 11:50:37


	&nbsp;

	&nbsp;

	NAVENDA NÛÇEYAN - Li Tacikistanê bi hêza 7.2 erdhej pêk hat. Lê hat diyarkirin ku di erdheja pêk hatiye de tu kesî jiyana xwe ji dest nedaye.&nbsp;

	&nbsp;

	Navenda Tora Erdhejê ya Çînê (CENC) ragihand ku li Tacikistanê bi hêza 7,2'an erdhejek pêk hat. Li gorî daxuyaniya CENC'ê, li nêzî sînorê Herêma Xweser a Uygûr a Sîncanê ya li bakurê rojavayê Çînê û Herêma Çiyayî ya Bedaxşanê ya li rojhilatê Tacîkistanê erdhejeke bi hêza 7,2'an pêk hat.

	&nbsp;

	Ji aliyê din ve Saziya Lêkolînên Jeolojîk a Amerîkayê (USGS) hêza erdhejê 6,8 û navenda wê jî &nbsp;67 kîlometre li rojavayê bajarê Murghob ê li aliyê sînorê Tacîkistanê ye nîşan da.

	&nbsp;

	Der barê kuştî û birîndaran de agahî nehatin bidestxistin

	&nbsp;

	Ji ber erdhejê heta niha tu kesî jiyana xwe ji dest nedaye. Hat ragihandin ku lêkolînên ku ji bo tesbîtkirina zerara malî li herêmê hatiye destpêkirin dewam dike.

	&nbsp;

	Medyaya dewletê ya Çînê ragihand ku trênên rêwiyan ên li beşa Aksu-Kasgarê dixebitin seferên xwe dane sekinandin.

	&nbsp;

	Li gorî medyaya Tacikistanê, li paytext Duşanbeyê jî erdhej kûrahiya 10 kîlometreyan hatiye hîskirin. Çapemeniya Tacîkistanê jî nivîsand ku di bûyerê de heta niha tu ziyanan di warê jiyanî de çênebûye.

	&nbsp;