
Li Suriyeyê nêzî 6 hezar qurbanî û birîndarên erdhejê hene 

2023-02-08 12:16:47


	&nbsp;

	&nbsp;

	NAVENDA NÛÇEYAN - Hejmara qurbanî û birîndarên erdhejê ya li herêmên Rêveberiya Xweser, deverên di bin kontra Şam û çeteyan de zêde dibin.

	&nbsp;

	Li herêmên Rêveberiya Xweser, deverên di bin kontrola Şam û çeteyan de hejmara qurbanî û birîndarên erdhejê zêde dibin.

	&nbsp;

	Rêveberiya Xweser a Herêma Firatê tedbîrên pêwîst ên parastinê ji pêleke muhtemel a erdhejê girtin. Li herêmên Bakur û Rojhilatê Suriyeyê (Rêveberiya Xweser) hejmara kesên jiyana xwe ji dest dane neguheriye. Heta niha 6 kesan jiyana xwe ji dest daye, 57 kes jî birîndar bûne. Ekîbên tenduristiyê yên Rêveberiya Xweser tedbîrên pêwîst digirin û heta niha agahiyên cudatir nehatine dayîn.

	&nbsp;

	Li gorî daxuyaniya Wezatera Tenduristiyê ya Hikûmeta Şamê, li herêmên di bin kontrola wan de ji duh ve hejmar neguheriye. Di daxuyaniya wezaretê de hat gotin ku li Heleb, Laziqiye û Hemayê 812 kesan jiyana xwe ji dest da, hezar û 449 kes jî birîndar bûn. Encama li deverên Tertus û Idlibêjî nediyar in. Feyde heye ku bê gotin reqemên Wezareta Tenduristiyê tenê yên derbarê herêmên dibin kontrola hikûmeta Şamê de ne.

	&nbsp;

	Bi hezaran şêniyên taxên Şêxmeqûsd û Eşrefiyê û taxên din ên Helebê xwe li navendên hewandinê digirin ku Meclisa Giştî ya herdu taxan vekirine.

	&nbsp;

	Li herêmên di bin dagirkeriya dewleta Tirk û çeteyên wê de, hejmara qurbanî û birîndaran zêde bû. Li gorî agahiyan li van herêman heta niha hezar û 20 kesan jiyana xwe ji dest daye, 2 hezar û 400 kes jî birîndar bûne.

	&nbsp;