Li Pakistanê di lehiyê de 777 kesî jiyana xwe ji dest dan  

2022-08-23 15:30:14


	 

	 

	NAVENDA NÛÇEYAN - Li Pakîstanê di 2 mehên dawî de 777 kesan di lehiyê de jiyana xwe ji dest dan. Li Pakîstanê ji 14’ê Hezîranê û vir ve ji ber barana mûsonê 777 kesan jiyana xwe ji dest dan.

	 

	Li herêmên bejahî yên parêzgehên Belûçistan, Pencab û Sîndîh kampên alîkariyê û destwerdana bijîşkî hatin avakirin. Niha 317 hezar û 678 kes di kampên alîkariyê de dijîn.

	 

	Ji xeynî pir û rêyên ku li seranserê welêt di bin avê de hilweşiyan, zêdeyî 60 xanî zirar dîtin.

	 

	Li Asyaya Başûr baranên mûsonê ku di mehên Hezîran-Îlonê de bi bandor in, her sal dibe sedema felaketên xwezayî û qezayên mezin.