
Li Fîlîpînê ji ber bahozê 117 kes mir 

2022-04-14 14:17:03


	&nbsp;

	NAVENDA NÛÇEYAN - Li Fîlîpînê ji ber bahoza Megiyê 117 kesî jiyana xwe ji dest da.

	&nbsp;

	Li gorî bîlançoya fermî ji ber heziya erdê û lehiyê ya ji ber bahoza Megiyê herî kêm 117 kesan jiyana xwe ji dest dane. Di bahozê de bi dehan kes winda bûn û bi deh hezaran kes jî neçar man ji malên xwe derkevin.

	&nbsp;

	Li eyaleta Leyteyê bahozê bandoreke giran li ser masîvan û cotkaran kir. Ji ber bahozê dîmenê herêmê guheriye. Li Abûtogê di gundekî de erd heziya û bi dehan cenaze ji binê axê hate derxistin. Li gorî rayedarên herêmî 28 kesan jiyana xwe ji dest dane û 150 kes jî winda bûne.&nbsp;

	&nbsp;

	Hefteya borî li derdora bajarê Bombayê jî 86 kesan jiyana xwe ji dest dabûn û bi dehan kes jî birîndar bûbûn.

	&nbsp;

	Li Fîlîpînê bahoza Megî ya ku bi navê Agatonê tê zanîn îsal bû bahoza mezin û yekemîn a tropîkal. Beriya niha çar meh berê jî tayfûna Raiyê li welat dabû û herî kêm 400 kesan jiyana xwe ji dest dabû.

	&nbsp;

	Li gorî zanyaran bi zêdebûna bandora germahiya global re wê tayfûn zêdetir bibin. Li Fîlîpînê her sal derbora 20 bahoz li welat dixe. Di sala 2013’an de jî ji ber tayfûna Haîyanê 7300 kes miribûn an jî winda bûbûn.&nbsp;