Li Londonê li dijî tecrîdê çalakî hat lidarxistin 

2021-10-21 09:56:23


	 

	 

	NAVENDA NÛÇEYAN - Li Londonê ji bo balkişandina ser tecrîda giran a li ser Rêberê PKK'ê Abdullah Ocalan ciwanan çalakî li dar xistin. 

	 

	Ciwanan li Londonê ji bo balê bikişînin ser tecrîda girankirî belavok xistin qutiyên postayê yên malan û danîn ber wesayitan.

	 

	Endamên Tevgera Ciwanên Şoreşger (TCŞ) û Jin ên Ciwan ên Têkoşer (TÊKO-JIN) li paytexta Îngilistan Londonê di çarçoveya pêngava 'Werin Cenga Azadiyê' de ji bo balê bikişînin ser tecrîda giran a li ser Rêberê PKK'ê  Abdullah Ocalan belavok belav kirin.

	 

	Ciwanan danê êvarê belavok xistin qutiyên postayê yên malan û danîn ber camên wesayitan.

	 

	Ciwanan diyar kirin ku ji bo azadiya Rêberê  PKK'ê Abdullah Ocalan wê her tim çalakiyan li dar bixin û destnîşan kirin ku azadiya Ocalan nêz e.