
Lîstika Tartuffe li Stenbolê hat lîstin: Daxwaza Leyla Guven daxwaza me ye 

2018-12-22 10:14:29


	&nbsp;

	STENBOL - Lîstika Şanoya Bajêr a Amedê ya bi navê "Tartuffe" li Stenbolê hat lîstin. Di lîstika ku eleqeyek mezin dît de lîstikvanan bal kişandin ser çalakiya greva birçîbûnê ya Leyla Guven.

	&nbsp;

	Şanoya Bajarê Amedê lîstika "Tartuffe" a Nivîskarê Fransizî Moliere wergerandin zimanê Kurdî û ev lîstik li Stenbolê lîstin. Lîstika "Tartuffe" li Navenda Hunera Pêşandina Avê hat lîstin û eleqeyek mezin dît. Bi lîstika ku hat pêşandan lîstikvanan temaşevan kenandin. Heta lîstik qediya çepikên temaşevanan kêm nebûn.&nbsp;

	&nbsp;

	'Daxwaza Leyla Guven daxwaza me ye'

	&nbsp;

	Piştî lîstikê lîstikvan Ozcan Ateş axaftinek kurt kir û diyar kir ku dê lîstika wan sibehê û du sibeh li Navenda Nazim Hikmet a Îzmîrê bê lîstin û &nbsp;got:"Parlamentera HDP'ê ya Colomêrgê û Hevseroka KCD'ê Leyla Guven ev 45 roj in di greva birçîbûnê de ye. Daxwaza wê daxwaza me ye. Divê gel lê xwedî derkeve."

	&nbsp;