Kurd û dostên wan berê xwe didin festîvala li Frankfurtê 

2024-09-21 11:31:46


	 

	 

	NAVENDA NÛÇEYAN - 32’yemîn Festîvala Çanda Kurd a Navneteweyî ku merasîma çandî ya herî mezin a Kurdan a li Ewropayê ye, îsal bi şîara “Em tecrîd û dagirkeriyê bişikînin, Rêber Apo azad bikin” hate organîzekirin.

	 

	Ji gelek welatên Ewropayê ji saetên siharê û şûnde, bi hezaran Kurdistanî û dostên wan herikîn Parka Rebstock a Frankfurtê.

	 

	Ji saetên destpêkê û şûnde, beşdarvanên ku di kabîneyên ewlehiyê re derbas bûne li qadê bi davul û zirneyan govend gerandin.

	 

	Li qadê ji xeynî stranên dengbêjiyê, bi merasîmên cuda coşeke mezin heye.

	 

	Gelê ku li qadê flamayên YPG, YPJ û PKK’ê hildigirin, li benda vebûna bernameyê ne û serdana standên ku hatine danîn, dike.

	 

	Festîvala Çanda Kurd a Navneteweyî, ji sala 1992’yan û vir ve tê lidarxistin.