
Li Dibistana Muzîkê ya Egîdê Cimo şahiya dawiya salê

2024-06-02 16:21:06


	&nbsp;

	
		&nbsp;
	
		&nbsp;
	
		STENBOL - Beşdarvanan eleqeyeke zêde nîşanî şahiya dawiya salê ku Dibistana Muzîkê ya Egîdê Cimo li dar xist, dan.&nbsp;
	
		&nbsp;
	
		Dibistana Muzîkê ya Egîdê Cima li avahiya xwe ya li navçeya Şîşlî ya Stenbolê şahiya dawiya salê li dar xist. Şahiya ku xwendekar bi cil û bergên kurdî beşdar bûn, rastî eleqeyeke mezin a beşdarvanan hat. Şahî bi pêşandana sînevîzyonê ya têkildarî xebatên dibistanê dest pê kir. Yek ji perwerdekara dibistanê Mizgîn Dûrûk a pişt re axivî wiha got: “Armanca me ew e ku li vir an ku li Stenbolê çanda kurdî bidin jiyîn û di rojên pêşiya me de di vî warî de perwerdehiyeke serkeftî bidin. Temamê hevalên me kedên mezin dan. Bi taybetî spasiyên xwe pêşkeşî wan dikin.”
	
		&nbsp;
	
		Pişt re zarokên ku perwerdeya piyanoyê wergirtin, bi rêzê perfonmansên xwe pêşkeş kirin. Koroya Zarokan a dibistanê jî bi darikên rîtîmê stranên kurdî gotin. Di vê navberê de temaşevanan jî bi çepikan piştgirî da zarokan. Beşdarvan bi performansa Koroya Zarokan gelekî keyfxweş bûn.&nbsp;
	
		&nbsp;
	
		Herî dawî orkestraya dibistanê derket ser dike. Piştî stranên ku beşdarvanan jî bi orkestrayê re gotin şahî bi dawî bû. &nbsp;


	&nbsp;