
Mîhrîcana Şanoyê ya Amedê bi dawî bû

2024-04-28 13:53:53


	&nbsp;

	&nbsp;

	&nbsp;

	AMED - 9'emîn Mîhrîcana Şanoyê ya Amedê bi lîstika Gomîdas a ku li Dêra Ermeniyan a Surp Giragos hat lîstin bi dawî bû.

	&nbsp;

	Mîhrîcana Şanoyê ya Amedê ku îsal ji aliyê Şanoya Bajêr a Amedê ve cara 9’emîn tê lidarxistin, duh bi şev bi dawî bû. Di çarçoveya mîhrîcana ku bi şîara “Bi hebûna xwe, bi xwebûna xwe/ Bi hebûna xwe, bi nasnameya xwe” hat lidarxistin, lîstikên 18 komên şanoyê hatin pêşandan. Mîhrîcan duh bi şev bi pêşkêşkirina Gomîdas bi dawî bû. Lîstika Gomîdas a yek kesî li Dêra Ermeniyan a Surp Giragos hat lîstin.

	&nbsp;

	Lîstika ku ji aliyê Şanoya Yolcu ve hat lîstin û derhêneriya &nbsp;wê Ahmet Samî Ozbudak kiribû eleqeyek mezin dît, bi sedan kesî &nbsp;100 deqeyî &nbsp;lîstik temaşe kirin.

	&nbsp;

	Yek ji lîstikvanên Şanoya Bajêr a Amedê Ozcan Ateş di axaftina dawîn a mîhrîcanê de spasiya hemû saziyên ku keda wan di mîhrîcanê de heye kir. Hevşaredarê Bajarê Mezin ê Amedê Dogan Hatun jî plaket da kesên ku keda wan di lîstikê de heye û spasiya wan kir.

	&nbsp;