Koroya Deniz Poyraz ava kirin  

2024-02-06 09:02:44


	 

	
		 
	
		Melike Aydin
	
		 
	
		ÎZMÎR - Jinên li Çigliyê li dijî tundiya li ser jinê û komkujiyên li ser jinan disekinin Koroya Deniz Poyraz ava kirin.
	
		 
	
		Jinên li Çigliyê li dijî tundiya li ser jinê û komkujiyên li ser jinan disekinin koroyek ava kirin. Jinan navê koroyê kirin Koroya Deniz Poyraz. Denîz Poyra li avahiya HDP'ê ya Îzmîrê hatibû qetilkirin. 
	
		 
	
		Hatice Erdogan têkildarî koroyê axivî. 
	
		 
	
		Haticeyê da zanîn jin aştiyê dixwazin û got ew ê stranên kurmancî, kirmanckî, ermenî û tirkî, stranên aştiyê bêjin. 
	
		 
	
		'Em dixwazin jinên hatine qetilkirin bidin jiyîn'
	
		 
	
		Haticeyê bi lêv kir ku ew dixwazin jinên hatine qetilkirin bidin jiyîn û got:"Me xwest em navê hevala xwe ya li avahiya HDP'ê hat qetilkirin bide jiyîn. Ev koroyeke jinê ya xweser e. Armanca me ew e ku em hemû jinên hatine qetilkirin nedin jibîrkirin. Ji her saziyan jin di vê koroyê de hene. Em dixwazin hemû jinan hembêz bikin."
	
		 
	
		Wê stranên aştiyê bistirên
	
		 
	
		Haticeyê bi lêv kir ku jin aştiyê dixwazin û got ew ê stranên kurmancî, kirmanckî, ermenî û tirkî, stranên aştiyê bêjin û wiha pê de çû:"Hîn nû me ava kir loma hîn me ji bo repertuarê biryar nedaye. Em li saziyên cuda ji hefteyekê carekê provayê dikin. Em ê di 8'ê Adarê de, di 25'ê Mijdarê de jî derkevin ser dikê. Em dixwazin zimanekî aştiyane bi kar bînin. Em jin tim aştiyê dixwazin."
	
		 
	
		Ew ê xebat berfireh bibin
	
		 
	
		Haticeyê da zanîn jin xwe ji ser hunerê civakî dikin û got tevlibûn xurt e. Haticeyê wiha dewam kir:"Jin kursên erbane û tenbûrê jî dixwazin. Loma wê piştî 8'ê Adarê xebatên me hebin."
	
		 
	
		Haticeyê herî dawî bang li jinan kir ku jin li dijî tundî komkujiyan li gel wan cih bigirin.