Fîlmê 'Nameyên ji Şengalê' wê li 10 bajarên Elmanyayê bê weşandin  

2023-10-06 09:23:30


	 

	 

	 

	NAVENDA NÛÇEYAN - Fîlmê 'Nameyên ji Şengalê' ku qala fermana 3'ê Tebaxê ya li Şengalê û têkoşîna şervanên azadiyê ya ji bo rizgariya xelk û Şengalê dike, wê di meha Cotmehê de li gelek bajarên Elmanyayê bê nîşandan.

	 

	Fîlmê 'Nameyên ji Şengalê' ji aliyê Produksiyona Nûjiyan ve hate çêkirin û Dersim Zerevan derhênerî jê re kir.

	 

	Fîlmê drama û dokumenterî, êş û azarên ku li Şengalê rû dan, şervanên azadiyê û dayikên berxwedêr nîşan dide.

	 

	Fîlmê ku ji 6 beşan pêk tê wê meha Cotmehê li 10 bajarên Elmanyayê bê nîşandan.

	 

	Derhênera Fîlmê 'Nameyên ji Şengalê' Dêrsim Zerevan ji ANF'ê re axivî.

	 

	Dêrsim Zerevan ê ji ANF'ê re axivî diyar kir ku fîlm behsa çîrok û serpêhatiya fermana 73'an a li Şengalê dike û got, "Fîlm rastiya şervan û siwariyên ku berê xwe dabûn Şengalê vedibêje."

	 

	Derhênera fîlm anî ziman ku fîlm di nava şert û mercên ku şopên fermanê hîn zindî bû hate amadekirin û got, "Ji bo em vê dîrokê ji hemû cîhanê bidin naskirin me biryar dan fîlm amade bikin. Koma me ji mirovên enternasyonal pêk dihat. Gelê me yê Şengalê, Rojava û şervanên wê her kes tevlî vî karî bûn."

	 

	Dêrsim Zerevan bi bîr xist ku 12 şervanên azadiyê ji bo pêşî li fermanê bigirin berê xwe dabûn Şengalê û got, di fîlm de qala çîroka şervanên azadiyê kirine.

	 

	Dersim Zerevan destnîşan kir ku ew weke koma fîlm serbilind in ku fîlmekî bi vî rengî amade kirine û pêşkêşî gel dikin.

	 

	Bernameya nîşandana fîlm a li Elmanyayê bi vî rengî ye:

	 

	Bernameya nîşandan fîlm

	 

	Stûttgart

	 

	Dem: 20.10.2023

	Saet: 18:30

	Cih: Siemensstrasse 150, 70469 Stuttgart - Feuerbach

	 

	Hambûrg

	 

	Dem: 09.10.2023

	Saet: 20:00

	Cih: Zeise Kinos

	Friedensalle 7-9, 22765 Hamburg

	 

	Tubîngen

	 

	Dem: 06.10.2023

	Saet: 18:15

	Cih: Arsenal Kino

	Hintere Grabenstrasse, 72070 Tubîngen

	 

	Heîdelberg

	 

	Dem: 21.10.2023

	27.10.2023

	Cih: Karlstor Kino

	Marlene-Dietrich-Platz 3, 69126 Heidelberg

	 

	Maîchîngen

	 

	Dem: 27.10.2023

	Saet: 18:30

	Cih: Deutsch Kurdischer Kultur Verein

	Berliner Strasse 20, 71069 Maichingen

	 

	Bensheîm

	 

	Dem: 08.10.2023

	Saet: 17:00

	Cih: Luxor-Filmpalast Bensheim

	Berliner Ring 26, 64625 Bensheim

	 

	Leverkûsen

	 

	Dem: 23.11.2023

	Saet: 19:00

	Cih: Komunnales Kino im Forum

	Am Buchelter Hof 9, 51373 Leverkusen

	 

	Dresden

	 

	Dem: 17.10.2023

	Saet: 20:00

	Cih: Zentralkino

	Kraftwerk Mitte 16, 01067 Dresden

	 

	Berlîn

	 

	Dem: 09.10.2023

	Saet: 17:30

	Cih: Babylon

	Rosa-Luxemburg-Strasse 30, 10178 Berlin

	 

	Saarbrucken

	 

	Dem: 15.10.2023

	Saet: 12:00

	Cih: Filmhaus

	Mainzer Str. 8, 66111 Saarbrucken