Ji Hîlala Zêrîn strana li ser Efrîn û Kobanê 

2023-06-03 09:18:09


	 

	 

	NAVENDA NÛÇEYAN - Tevgera Hîlala Zêrîn a Şêxmeqsûd û Eşrefiyê strana li ser berxwedana 'Efrîn û Kobanê' amade dike. Klîba stranê jî dê demek nêz de bê derxistin.

	 

	Beriya erdheja 6'ê Sibatê Tevgera Hîlala Zêrîn a taxên Şêxmeqsûd û Eşrefiyê amadekirina kişandina yekemîn klîba xwe dikir. Lê bandorên erdhejê û windahiyên li Cindirêsê û qedexeya gihandina komên rizgariyê ji hêla dewleta tirk û komên girêdayî wê ve, hişt ev klîb dereng bimîne.

	 

	Piştî derbasbûna 3 mehan di ser erdhejê re, endamên tevgerê ji dawiya Gulanê ve dest bi perwerde û kişandina klîbê kir û dê di demekê nêz de biweşînin.

	 

	Gotinên stranê yên Zozan Qamişloyê ne û awaz a hunermend Hisên Xanê û Mihemed Bilko ye.

	 

	Dê Koma Şehîd Vajîn a girêdayî Tevgera Hîlala Zêrîn stranê bibêje.

	 

	Endama Tevgera Hîlala Zêrîn Tizyal Çawîş li ser stranê got: "Klîba 'Efrîn û Kobanê' berxwedana her du bajaran li dijî êrişên dewleta tirk  û çeteyên DAIŞ'ê nîşan dide."