
Xwendekarên herêma Firatê karneyên xwe girtin  

2023-05-28 11:17:46


	&nbsp;

	&nbsp;

	NAVENDA NÛÇEYAN - Nêzî 51 hezar xwendekarên dibistanên seretayî yên herêma Firatê karnameyên xwe wergirtin.

	&nbsp;

	Piştî saleke têr û tijî ya xwendinê, li dibistanên seretayî yên herêma Firatê ya Bakur û Rojhilatê Sûriyeyê îro karne hatin belavkirin.

	&nbsp;

	Serê sibehê xwendekaran bi cil û bergê Kurdî û kenê li ser rû karneyên xwe bi kêfxweşî girtin û ev roj li tevahî xwendekaran pîroz kirin.

	&nbsp;

	Xwendekar Êva Zûhêr Emed a ku di refa 5’an a dibistana Şehîd Azad e kêfxweşiya xwe anî û ziman û got, "Zimanê Kurdî gelekî xweş e. Ez kêfxweşim ku bi zimanê Kurdî diaxivim, dikenim û bi hevalên xwe re dilîzim. Em ê bi vê kêfxweşiyê bihêlin ku zimanê xwe yê Kurdî pêşdetir bibin, ez roja standina karneyan li hevalên xwe pîroz dikim."

	&nbsp;

	Xwendekar Nalîn Mihemed jî diyar kir ku zimanê Kurdî zimanê dayikê ye, hebûn û nasnameya wan e û got: "Em pir kêfxweşin ku em dixwînin û diaxivin. Em vê karneya xwe li her kesî pîroz dikin."

	&nbsp;