
1’emîn Mîhrîcana Jinan a Şehîd Sema li Goteborgê pêk hat 

2022-06-06 10:28:40


	&nbsp;

	&nbsp;

	NAVENDA NÛÇEYAN - 1’emîn Mîhrîcana Jinan a Şehîd Sema (Fatoş Saglamgoz) li bajarê Goteborg ê Swêdê bi coşeke mezin pêk hat.

	&nbsp;

	Jinên kurd ên li welatên Skandînavyayê, li 1’emîn Mîhrîcana Jinan a Şehîd Sema (Fatoş Saylamgoz) li hev civiyan. Mîhrîcan 5’ê Hezîranê li bajarê Goteborg ê Swêdê bi dirûşma “Li ber xwe bide, xwe bi rêxistin bike û bi rengekî azad bijî” hate lidarxistin.

	&nbsp;

	Mîhrîcana ku ji aliyê Yekîtiya Jinên Kurd a li Skandînavyayê (YJK-Skandînavya) ve hate organîzekirin, li meydana Gûstav Adolfstorgê Pêk hat û jinên ji gelek neteweyên cuda jî tevlî bûn.&nbsp;

	&nbsp;

	Li gel stranan di mîhrîcanê de peyamên ji bo yekîtiyê û birêxistinkirina jinan hatin dayin. Di mîhrîcanê de defîleya ji cil û bergên kurdî hate nîşandan û gelekî bal kişand.

	&nbsp;

	Hunermend Çopî Fetah, Evîn Akbaş, Ozan Fîgen, Girîn Cizîrî, Koma Govendê ya Keçên Rojava, Koma Defê ya Hejîn (Jinên Rojhilatî), Koma Folklorê ya Hindî (The third eye) derketin ser dikê û hunera xwe pêşkêş kirin.

	&nbsp;

	Li qada mîhrîcanê gelek standên ji xwarinên kurdî jî hatin danîn.

	&nbsp;

	Di mîhrîcanê de ku bi coşeke mezin derbas bû, berxwedana jinan a li hemberî faşîzma li Tirkiyeyê hate silavkirin.

	&nbsp;

	&nbsp;

	&nbsp;&nbsp; &nbsp; &nbsp; &nbsp;&nbsp;

	&nbsp;