
3'yemîn Mîhrîcana Xwendekaran bi dawî bû

2022-06-04 14:42:59


	&nbsp;

	ŞEHBA - 3'yemîn Mîhrîcana Xwendekaran a bi dirûşma "Di sala serkeftinê de îxanetê têk bibin, serfiraziya Kurdistanê mîsoger bikin" hatî li dar xistin bi bernameyên cuda bi dawî bû.&nbsp;

	&nbsp;

	Bi dirûşma "Di sala serkeftinê de îxanetê têk bibin, serfiraziya Kurdistanê mîsoger bikin" Tevgera Xwendekarên Demokratîk dibin sîwana Tevgera Ciwanên şoreşger a herêma Efrînê 3'yemîn Mîhrîcana Xwendekaran, li hola Mîtan a navçeya Ehdas a Kantona Şehbayê li dar xist. Mîhrîcan 2 rojan dom kir û îro bi dawî bû.&nbsp;

	&nbsp;

	Di mihrîcanê de hemû xwendekar, &nbsp;endamên Tevgera Ciwanên Şoreşger, û endamên sazî û dezgehên Rêveberiya Xweser amede bûn. Hol bi wêneyên Rêberê PKK'ê Abdulah Ocalan û wêneyên pekrewanan, her wiha alên Tevgera Ciwanên Şoreşger, Tevgera jinên ciwan û Tevgera Xwendekarên demokratîk hatibû xemilandin. &nbsp;Mihrîcan bi deqeyek rêzgirtin ji bo cangoriyên azadiyê dest pê kir.

	&nbsp;

	Piştre stran ji aliyê xwendekar Bahoz, Koma Şehîd Nûjiyan, xwendekar Peyam, Koma Dibistana Babinês û Xwendekar Avrîn a dibistana Ehdas ve hatin gotin.&nbsp;

	&nbsp;

	Govend jî aliyê Koma Xweser a Wargeha Berxwedan, Koma Şêrewa, Koma Govendê a Şehîd Nûjiyan a Dibistana Fafînê, Koma Şehîd Egîd, Xwendekar Xalîde derketin ser dikê.&nbsp;

	&nbsp;

	Her wiha helbest ji aliyê xwendekar Rozîn Dodo, Biharîn Mihemed ve hatin xwendin.&nbsp;

	&nbsp;

	Piştre jî şano ji aliyê Koma Şano ya Dibistana Wargeha Berxwedan ve hat pêşkêşkirin.&nbsp;

	&nbsp;

	Di mîhrîcanê de her wiha pêşbirkek zanistî jî hat lidarxistin.

	&nbsp;

	3'yemîn Mîhrîcana Xwendekaran bi xelat dayîna li xwendekaran bi dawî bû.

	&nbsp;

	&nbsp;