
Li Çinarê şahiya dengbêjan 

2021-12-17 12:11:51


	&nbsp;

	AMED - Li Çinarê şahiya dengbêjan a ku ji aliyê Muduriyeta Karên Civakî a Şaredariyê ve li Parka Nujiyan hat hat organîzekirin eleqeyeke mezin ji gel dît.

	&nbsp;

	Li Çinarê şahiya dengbêjan a ku ji aliyê Muduriyeta Karên Civakî a Şaredariyê ve li Parka Nujiyan hat organîzekirin. Li gel hevşaredar Bedrî Kaya, cîgirên hevşaredar û endamên meclisa şaredariyê, Dayikên Aştiyê, endamên DÎYADER'ê û gelek kesên din li şahiyê amade bûn.

	&nbsp;

	Di şahiyê de dengbêjên ku kevneşopiya wêjeya zargotinî berdewam dikin kilam gotin. Şahî, kilamên Dengbêj Mehmet Zîrek hat destpêkirin. Dengbêj Xalîde (Halîme Kirik), Dengbêj Mukaddes (Perînaz Yildirim), Omer Semîn û Hediye Kalkan jî bi dorê kilamên xwe pêşkêş kirin.

	&nbsp;

	Dengbêjên ku li gel tembûr û bilûrê stran gotin, di heman demê de çîrokên li ser Dewrêşê Evdî û Edûlê jî gotin.

	&nbsp;

	Şahî li gel kilaman bi &nbsp;govendê bi dawî bû.

	&nbsp;

	&nbsp;