
Li Helebê pêşengeha wêneyan 

2020-01-11 16:06:33


	&nbsp;

	HELEB - Bi pêşentiya ciwanên şoreşger a Helebê pêşengehek bi dirûşmeya "Bi tolhildana şoreşgerî em ê Serok Apo rizgar bikin û dagirkerî têk bibin" hat li dar xistin.

	&nbsp;

	Tevgera Ciwanên Şoreşger a Helebê bi dirûşmeya "Bi tolhildana şoreşgerî em ê Serok Apo rizgar bikin û dagirkerî têk bibin" pêşengehek li taxa Şêx Meqsûd a Helebê li navenda tevgera ciwanên şoreşger li dar xistin. Di pêşengehê de sazî û dezgehên sivîl amadebûn. Wêne û tablo ji aliyê xwendekar û şêwekarên jin li ser berxwedaniya gel hatibûn xêz kirin hatin pêşandan. Her wiha dê ev pêşengeh du rojan bidome.&nbsp;

	&nbsp;

	Di pêşangehê de li ser navê Tevgera Ciwanên Şoreşger Bêrîvan Îbîş axivî û wiha got: "Em spasiya xwendekar û şêwekarên ku vê pêşengehê li dar xistine dikin. Armanca me ji vê pêşengehê, berxwedana gel li hember êrîşên dagirkeriyê ye. Hemû wêneyên ku hatine xêz kirin êşa zarok, jin û komkujiyên ku pêkhatine pênase dike. Her wêneyek çîrokekî wê heye."

	&nbsp;

	Herî dawiyê ji bo şêwakar û xwendekarên ku wêne xêz kirina xelat hat dayîn.&nbsp;

	&nbsp;