
Newaya Jin bi manşeta 'Raperîn Heye' derket 

2019-12-02 10:54:04


	&nbsp;

	NAVENDA NÛÇEYAN - Rojnameya Newaya Jin a meha Kanûnê bi manşeta "Li dijî çerxa riziyayî ya Patriyarkayê raperîn heye" hat weşandin. Di rojnameyê de berxwedana jinan derketiye pêş.&nbsp;

	&nbsp;

	Hejmara meha Kanûnê ya dawiya salê ya rojnameya Newaya Jin bi manşeta "Li dijî çerxa riziyayî ya Patriyarkayê raperîn heye" û mijarên cuda gihîşt ber destên xwînerên xwe. Di rojnameyê de berxwedana jinan derketiye pêş û giranî daye ser têkoşîna jinan a li dijî tundiya zilam û dewletê.&nbsp;

	&nbsp;

	Di hejmara nû de gelek roportaj, hevpeyvîn, analîz û dosyayên jinan cih digirin. &nbsp;

	&nbsp;

	Zeynep Kizilirmak li ser sedem û encamên êrişên Tirkiyeyê yên li dijî Bakur û Rojhilatê Sûriyeyê nivîsandiye û radigihîne ku nobedarên ku dewleta Tirk ji bo fetisandina şoreşa jinê şandin qadê, ketin bin lingê jinên xurt.

	&nbsp;

	Meral Çîçek, têkildarî karakterê li dijî jinê ya êrişên li ser Rojava nirxandiye û destnîşan dike ku rengê jinên Kurd ên wêrek ên ku pêşengî ji berxwedana têkbirina DAÎŞ'ê re kirin di hedefê ye.

	&nbsp;

	Zerya Gul jî bal kişand ser rola hêzên emperyalîst di êrişên qirkeriyê yên li dijî Rojava de û ragihand ku di sala 2020'an de jî wê berxwedana ji bo ewlekarî û jiyana azad dewam bike.

	&nbsp;

	Rojnamevan Rûken Cemal jî êrişên dagirkeriyê yên dewleta Tirk ku di 9'ê Cotmehê de li dijî Bakur û Rojhilatê Sûriyeyê dest pê kirin, ji bo rûpela Kurdî berhev kir.

	&nbsp;

	Rojnamevan Ronî Eylem jî bandora polîtîkayên rejîma Erdogan li civaka Tirkiyeyê nirxand û destnîşan kir ku fîşeka li dijî Kurdan tê bikaranîn li Tirkiyeyê dibe siyanur.

	&nbsp;

	Ji nivîskarên rojnameyê Gulistan Çiya Îke jî, encamên çalakiyên 25'ê Mijdarê yên li Kurdistanê û cîhanê nirxand.

	&nbsp;

	Her wiha hevpeyvîna bi Hevseroka KNK'ê Zeyneb Mûrad a der barê yekîtiya neteweyî, şîrove nivîsa Parlamentera HDP'ê ya Şirnexê Nûran Îmîr a der barê êrişên faşîzan ên li hemberî siyaseta Kurd, portreyên aktîvîsta Hintî Shehla Rashid Shora û aktîvîsta Emerîkî Lucy Parsons hatin weşandin.

	&nbsp;

	Dîsa Leyla Şanli (Bêrîtan Hêvî) a di 21'ê Gulana 2009'an de li Amedê jiyana xwe ji dest da bi nîvîsa Tîjda Amed hat bibîranîn.&nbsp;