
Mîhrîcana Mûnzûrê dest pê kir 

2019-07-25 15:01:06


	&nbsp;

	DÊRSIM - Mîhrîcana Çand û Xwezayê ya Mûnzûrê bi ziyareta Gola Çeto û niyazan dest pê kir. Mîhrîcana îsal diyarî Ayaz û Nupeldayê hat kirin.&nbsp;

	&nbsp;

	Li Dêrsimê 19’emîn Mîhrîcana Çand û Xwezayê ya Mûnzûrê bi dirûşma “Xwedî li Dêrsimê, bawerî, ziman û çanda xwe derkeve, bijî û bide jiyandin” dest pê kir. Starta mîhrîcanê bi serdana Gola Çeto hat dayîn. Dayik û pîrên elewiyan li vir niyazan kirin û rizaya xwe bicih anîn. Piştî serdana Gola Çeto girse hat Qada Seyîd Riza û daxuyanî dan çapemeniyê.&nbsp;

	&nbsp;

	Parlamenterên Partiya Demokratîk a Gelan (HDP), CHP, Şaredarê Dêrsimê Fatîh Mehmet Maçoglu, nûnerên rêxistinên civakî û partiyên siyasî û gelek kes beşdar bûn. Beriya daxuyaniyê pîr û dayikan li qadê niyazan kirin û çira pêxistin.&nbsp;

	&nbsp;&nbsp;

	Pîr Zeynel Kete daxuyanî da û kesên ji bo azadî û heqîqetê serbilind li piya ne, bi zindewariya Seyîd Riza û kelameta Ana Fatma silav kir. Zeynel, da zanîn ku wan razabûna xwe ji ax û ziyaretgehan wergirtine hatine mîhrîcanê û di qonaxa gihîştinê de baweriya elewî û çanda wan tune tê hesibandin.&nbsp;

	&nbsp;

	Serokşaredarê Dêrsimê Fatîh Mehmet Maçoglu jî spasiyê xwe ji bo kesên keda wan derbas bûye kir û mêvanên hatin bajara wan silav kir. Fatîh, bi bîr xist ku mîhrîcan ji sala 1999’an ve tevî hemû astengî û qedexeyan heta îro hatiye û lê ev du salên derbas kirin bi hinceta “ewlehiyê” qedexe dikirin. Fatîh da zanîn ku ew mîhrîcanê diyarî bîranîna Ayaz û Nupelda yên xwişk û birayê hev ên li Pulurê di teqemeniyekê de jiyana xwe ji dest dabûn dikin û jiyanê pîroz dibînin.&nbsp;

	&nbsp;

	Piştî axaftinan loqme belav kirin û li Qada Seyîd Riza govenda herêma Dersimê varvara girtin.&nbsp;

	&nbsp;

	Mîhrîcan dê bi şahiyan heta derengiya şevê dewam bike.&nbsp;