
'Em ê bi wêneyên xwe rêya rigarkirina Efrînê xêz bikin' 

2019-07-02 12:09:07


	&nbsp;

	Hesna Muhemed

	&nbsp;

	ŞEHBA - Tevgera Xwendekarên Demokratîk a Efrînê pêşengeha wênexêzkirinê ya bi navê ”Kêliyên Berxwedanê” li Navenda Çand û huner a Navçeya Fafîn a Şehbayê li dar xist.

	&nbsp;

	Pêşengeha Xwendekarên Efrînê bi navê ”Kêliyên Berxwedanê” ya wênexêzkirinê li navenda Çand û huner a Navçeya Fafîn a Şehbayê ji aliyê Tevgera Xwendekarên Demokratîk hat lidarxistin. Endamên sazî û Meclîsên Rêveberiya Xweseriya Demokratîk xwendekarên Efrînê beşdarî pêşengehê bûn. Pêşengeh bi wêneyên xwendekaran xêz kiriye hat xemilandin.

	&nbsp;

	Pêşengeh bi deqeyek rêzgirtin dest pê kir. Paşê li ser navê xwendekarên Efrînê Evrîn Hesen axivî. Evrînê pêşengeh diyarî Abdullah Ocalan û hemû pakrewanên azadiyê kir û li hemû xwendekaran pîroz kir. Xwendekarên ku beşdarî pêşengehê bûn nêrînên xwe bi me re parve kirin û gotin: "Bi rêya xêzkirina wêneyan em hest û êşa jinan derdixînin holê, em ê bi wêneyên xwe rêya rigarkirina Efrînê xêz bikin."

	&nbsp;

	'Êş û berxwedana jinê bi rêya wêneyan derdikeve'

	&nbsp;

	Berdevaka xwendekarên Efrînê Sema Osman li ser pêşengehê axivî û got: "Ji bo xwendekar hestên xwe bi rêya xêzkirina wêneyan parve bikin, ev pêşengeh hat lidarxistin. Piranî wêne li ser êş û berxwedana jinê ye. Ev pêşengeh wê du rojan bidome. Nêzî 500 wêneyî li pêşengehê hene. Hemû xwendekar bi temenên cuda hestên xwe xêz kirine û berhemên xwe diyarî Serok Apo û pakrewanan dikin."

	&nbsp;

	'Bi wêneyên xwe rêya rizgarkirina Efrînê xêz dikin'

	&nbsp;

	Xwendekara bi navê Sîlda Cefer jî wiha got: "Bi rêya xêzkirina wêneyan em hestên xwe tînin ziman. Xêzkirina wêneyan tê wateya derxistina huner û hestên xwe, her xwendekarek jî hestên wan ya cuda bi rêya wêneyan derketiye holê. Em dikarin bi wêneyên xwe rêya rizgarkirina Efrînê xêz bikin."

	&nbsp;

	Zeyneb Ibrahîm jî li ser xêzkirina wêneyan axivî û wiha got: "Pêşengeha”Kêliyên Berxwedanê” ji bo derxistina êşa ku jinê dîtiye, her mirovek dikare bi rêya wêne hestên xwe derxîin holê û em ê bi xêzkirina wêneyên xwe Efrînê rizgar bikin û jinan azad bikin."

	&nbsp;