‘Qirkerdişê Eyn Îsayî nîno qebûlkerdiş’ 

2024-12-10 14:05:43


	 

	 

	Mîdye Miqted

	 

	HELEB - Verfeka Rêxistina Sterkî ya Tutan û Endama Rêxistina Sara derheqê qirkeedişê Eyn Îsa pê ame de reaksîyon mojnayî û vatî: "Qirkerdişan dir ma peynî nêbenê û ganî rêxistinê merdimayî wezîfeyê xo hemverê kiştişê tutan û sivîlanê ma wurzê.”

	 

	Netîceya hêrişê SÎHAyanê dewleta tirkan ê hemverê dewa El Mustareha ya Eyn Îsayî de xeylê xo ci ra cinî û tutî bi pêroyî 12 sivîlî ameyî qetilkerdiş. Reaksîyon û nêrazîbîyayîşê hemverê qetilkerdişê cinî û tutan dewam keno. 

	 

	Îdareya Rêxistina Sterkî ya Tutan ra Semîra Elîko û Endama Rêxistina Sara ya bajarê Helebî Heyfa Husên reaksîyonê xo hemverê hedefgirewtişê cinî û tutan ard ziwan.

	 

	'Çi gunayê nê tutan estbî'

	 

	Semîre Elîko destpêkê qiseykerdişê xo de hedefgirewtişê tutan şermezar kerd û vat: "Ma qirkerdişo ke Eyn Îsa de pê yeno bi şîdet şermezar kenê. Çi guneyê nê tutan estbî ke wina bi xofitî ameyî qetilkerdiş tutî şinê çeperan de şer kenê?"

	 

	'Çira rêxistinî bi wezîfeyê xo nêwurzenê'

	 

	Semîra dewam de wina vat: "Hemverê kiştiş û qirkerdişo ke derheqê tutan û sivîlanê ma de pû yeno,  rêxistina heqê merdiman çira bi wezîfeyê xo nêwurzenê? Çira bêvengbîyayîşê xo de hende biisrar ê? Ma sey rêxistina Sterk bi wezîfeyê xo wurzenê û kîşte pêro tutan de vindenê û vengê xo vera rayaumûmî rê berz kenê ke wezîfeyê xo ca bîyarê û vernîya nê qirkerdişan padê û bendêk îşxalkerdişî rê ro, êdî bes o kiştişê tutan rê."

	 

	'12 sivîlê ma şehîd bîyî'

	 

	Eynî wextî de Endama Rêxistina Sara ya bajarê Helebî Heyf Husên zî wina vat: "Demêk derg û bi domdarî hêrişê dewleta tirkan ê îşxalker serû herêmanê Vakur Rojhelatê Sûrîye de yeno dewamkerdiş, her rey sivîlan kenê hedefê xo, vizêrî zî teyareyê yê şerî hêrişêk berd serê dewa Mistirîhî ya girêdayeyê bajarê Minbicî de û bi pêroyî 12 sivîlê me ma şehîd kerdî. Çi gunayê ê sivîlan estbî?"

	 

	'Ganî hemverê hêrişan bêro padayîş'

	 

	Tewr peyîn Heyfa, rêxistinê ke wezîfeyê xo dir nêwurzenê şermezar kerd û wina vat: "Ma pêro rêxistinê ke ewro bi wezîfeyê xo nêwurzenê bi şîdet şermezar kenê û venga înan ra est a ke bi wezîfeyê xo wurzê û vernîya teyareyan bigîrê ke hêriş û şerê xo sivîlan ser o nêkerê.”