ÊLIH - Ameyîşê payîzî dir dewa Binkelbî ya girêdayeyê qezaya Kercewsî ya Êlihî, cinîyan dest bi amadekarîya zimistanî kerd.

 

Ameyîşê payîzî dir dewa Binkelbî ya girêdayeyê qezaya Kercewsî ya Êlihî, cinîyan dest bi amadekarîya zimistanî kerd. Cinîyê ke pêwa karê keyeyî û barê rez û baxçeyan zî milê înan ser o, berardişê peyîn yê baxçeyê xo yê sey firingî, îsot, kuwe, fasule, încîre û engure wuşk kenê. Hema hema serê banê pêro keyeyan dr sebze û fêkiyê wuşk cayê xo girewtê. Berardişê ke yenê wuşkkerdiş, serê banê keyeyan û mîyanê baxçeyan de tewirêk zêde yê rengan afirnenê.