Gulistan Gulmuş

 

DÎLOK - Parlamentera EMEPyî ya Dîlokî Sevda Karaca da zanayene ke ganî dewlete lezkî sererastkerdişî pêşkêşê meclîsî bikero û wina vat: “Qanûnê çarçewa yew waştişê me yo tewr esas yê semedê waştişê şarê kurdî pê bêro yo.”

 

Rayberê Şarê Kurdî Abdullah Ocalanî venga ‘Aştî û Cimatê Demokratîkî’ kerd û serê nê vengdayîşî dir 2 serrî derbas bî. Sewbîna serê merasîmê veşnayîşê çekan ê PKKyî ra zî serrêk derbas bi. Vera nê dewlete hema tu game nêeşta û derheqê çareserîya problemê kurdî de munaqeşeyê ke ganî gamê qanûnî û sîyasî bêrê girewtene zî dewam kenê. Derheqê ‘qanûnê mende’ ke Abdullah Ocalanî ardîbî ziwan de zî nêzelalî dewam kena.

 

Parlamentera EMEPyî ya Dîlokî Sevda Karaca derheqê babete de ajansa ma rê qisey kerd. 

 

‘Derheqê qanûnê çarçewa de agahî nêdayê ma’

 

Sevda Karaca dîyar kerd ke pêwa ke serrêk serê veşnayîşê çekan ra derbas bîyo zî hema dewlete game nêeşta û wina dewam kerd: “Ma heta nika gamêka somut ke hewce bi sererastkerdişê qanûnî nêvînenê zî nêdî. Nika ma bi munaqeşeyê qanûnê çarçewa dir rî bi rî yê. Derheqê babete ke do qanûnê çarçewa senî bo de zî tu agahî semedê ma nêameye dayene.”

 

‘Ganî qanûnê ke problemî çareser kenê estbê’

 

Sevda Karaca bal ant serê xeberanê kulîsan ê çapamenîya nêzdîyê îqtîdarî û wina bal ant serê nêeştişê gaman ê hetê dewlete ra: “Dewlete çira gaman nêerzena? Ganî no bêro cipersayîş. Labelê no cipersayîş nê ke wa na çarçewa qanûnî lezkî bêro meclîsî yo. Şarê kurdî serrêk bi sebrêk pîl paweyê nê qanûnê çarçewa yê. Waştişê me yo tewr sereyîn nê waştişê şarê kurdî sey qanûnê çarçewa bê. Semedo ke wazenê ke qanûnê ganî probleman çareser bikerê bibê.”

 

‘Ganî bi lez bêro sererastkerdiş’

 

Sevda Karaca peynîya qiseykerdişê xo de ard ziwan ke şar pêwa heme bêbawerîyan bi sebir paweno û wina peynî ard: “Na xebate de hewcedarîya ma na ya ke muhtewayê qanûnê çarçewa çareserîya problemî esas bigîro, nuqtayê hemparan esas bigîro. Ganî no qanûnê çarçewa lezkî bêro meclîs, bi heme hetan dir pêvînayîş bêro kerdene. Ganî no lezkî meclîs de bêro qiseykerdiş û bikewo rojeva cimatî.”