MERKEZÊ XEBERAN - Qezaya Înegolî ya Bursayî de, keso bi nameyê Ferhat G. keyeyê cinîya xo ya verên Mukaddes U. ke tede ciwîyayîne, veşna.

 

Goreyê xeberanê ke ameyê vilakerdiş, fail kewt zerrê keyeyî û dimayê ke adir fîna ta, cayê qewmîyayîşî ra rema. Maddeyê şewatî wextêko kilm de bi sebebê adirî û ame dîyarkerdiş ke demê qewmîyayîşî de kombîya gazê tebîî zî teqîyaya. Dimayê ke vengê teqîyayîşî û adirê berzî hetê derûdorî ra ameyî vînayîş, haydarkerdişê înan ser o, tîmê îtfaîye û polîsî şîyî cayê qewimyayîşî.

 

Bi mudaxaleyê tîmanê îtfaîye, adir verê ke bireso daîreyanê derûdorî ame tefênayîş.

 

Nê qewmîyayîşî de tu kes birîndar nêbi, labelê keye de zirarêko maddeyî pê ame.

 

Ame eşkera kerdene ke seba tepiştişê failî tehqîqat û cigêrayîş ame destpêkerdene.